રાશનથી લઇને બસના ભાડાં સુધી સરકારનું આ કાર્ડ આવશે મદદ

મોદી સરકાર જ્યારથી સત્તામાં આવી છે ત્યારથી સૌથી વધારે ધ્યાન ડિજિટલ લેવડ-દેવડને પ્રોત્સાહન આપવામાં છે. આજ દિશામાં મોદી સરકાર એક મોટું પગલું લેવા જઇ રહી છે. 



મોદી સરકાર એક રાષ્ટ્ર એક ટેક્સની નીતિના આધાર પર એક દેશ એક કાર્ડની નવી યોજના શરૂ કરવાની વિચારમાં છે. આ માટે નેશનલ કૉમન મૉબિલિટી કાર્ડ (NCMC)ને લાવવાની તૈયારીમાં છે. 



આ કાર્ડની મદદથી લેવડદેવડના તમામ કામ કરી શકશો. નેશનલ પેમેન્ટ કૉરર્પોરેશનના અનુસાર આ કાર્ડની મદદથી તમે બસ અને મેટ્રો સહિત  અન્ય સાર્વજનિક પરિવહનની સુવિધાનું ભાડું ભરી શકો છો.  આ સાથે જ તમે તેનો ઉપયોગ રિટેલ પેમેન્ટ્સ માટે પણ કરી શકો છો.



આ કાર્ડને સામાન્ય ડેબિટ કાર્ડની જેમ જ ઉપયોગ કરવામાં આવશે. આ સિવાય તેમાં યૂનિક ફિચર પણ આપવામાં આવ્યા છે જેની મદદથી તમે ડિજિટલ પેમેન્ટ માટેનો ઉપયોગ ઑફલાઇન પણ કરી શકશો. 



સરકારના અનુસાર ઑફલાઇન તેમ નાની રકમ મોકલી શકશો. જ્યારે ઑનલાઇન તમે મોટી રકમનો ઉપયોગ કરી શકો છો.  આ કાર્ડની મદદથી ટ્રાંઝિટ રિટેલ ટોલ પાર્કિંગ અને સ્માર્ટ સિટી માટે ચૂકવણી કરી શકો છો. 



સરકારના અનુસાર આ કાર્ડને લાવવાનો મુખ્ય હેતુ એ છે કે નાગરિકોને દરેક લેવડ-દેવડ માટે એક જ કાર્ડનો ઉપયોગ કરવા માટે પ્રેરિત કરવામાં આવે.