એજ્યુકેશન / આ ઉંમરના બાળકો માટે દેશભરમાં લાગૂ થઈ શકે છે કોમન સિલેબસની વ્યવસ્થા, જાણી લો કારણ

• દેશભરમાં વન નેશન વન બોર્ડની માંગ
• સુપ્રીમ કોર્ટમાં કરવામાં આવી છે અરજી
• 6થી 14 વર્ષ ના બાળકો માટે કોમન સિલેબસની માંગ

આ કારણે જરૂરી છે કોમન સિલેબસ

સુપ્રીમ કોર્ટની અરજીમાં કહેવાયું છે કે કેન્દ્ર અને રાજ્ય સરકારોએ દેશભરમાં સમાન એજ્યુકેશન સિસ્ટમને લાગૂ કરવા માટે કોઈ પગલાં લીધા નથી. કલમ 21 એના આધારે ફ્રી અને અનિવાર્ય શિક્ષણની વાત કરવામાં આવી છે. જેના આધારે બાળકોને તેમના અધિકારો મળી રહ્યા નથી. અરજી અનુસાર સામાજિક, આર્થિક સમાનતા અને ન્યાય માટે જરૂરી છે કે દરેક પ્રાઈમરી શાળામાં સિલેબસ અને કરિક્યુલમ એક જેવા રહે. પછી તે સ્કૂલ લોકલ બોડી ચલાવતી હોય કે કેન્દ્ર કે રાજ્ય સરકાર.

આ રીતે બને નેશનલ એજ્યુકેશન કાઉન્સિલ

અરજીમાં કહેવાયું છે કે સંબંધિત રાજ્યની અધિકૃત ભાષાના આધારે ઈસ્ટ્રક્શન અલગ હોઈ શકે છે પરંતુ 6થી 14 વર્ષના બાળકો માટે સિલેબસમાં કોઈ ભેદભાવ હોવો જોઈએ નહીં. દેશમાં જીએસટી કાઉન્સિલના આધારે નેશનલ એજ્યુકેશન કાઉન્સિલ કે નેશનલ એજ્યુકેશન કમિશન બનાવવાની સંભાવના શોધવા માટે આદેશ આપવાની માંગ સુપ્રીમ કોર્ટને કરવામાં આવી છે. 

અત્યારના સમયમાં દરેક એજ્યુકેશન બોર્ડનો પોતાનો સિલેબસ છે. અરજીમાં સાથે કહેવામાં આવ્યું છે કે સ્ટેટ બોર્ડ સ્ટુડન્ટ્સ પાસે સંસાધનો હોતા નથી કે જેનાથી તેઓ સીબીએસઈની સ્કૂલની કમ્પેરિઝન કરી શકે. આ અંતર સંપૂર્ણ રીતે હટાવી શકાય તેમ ન હોય તો કોલેજ અને યુનિવર્સિટીની ઈચ્છઆ રાખનારા વિદ્યાર્થીઓ માટે સ્ટેન્ડર્ડ એન્ટ્રન્સ સિસ્ટમ લાગૂ કરવા માટે વિચાર કરવો જરૂરી છે.