આણંદમાં વધુ એક બળાત્કારઃ 25 વર્ષીય પરણીતા પર 2 હેવાનોએ આચર્યું દુષ્કર્મ

આણંદઃ શહેરમાં વધુ એક દુષ્કર્મની ઘટના સામે આવી છે. 25 વર્ષીય પરણીતા પર 2 યુવકોએ દુષ્કર્મ આચર્યુ છે. બન્ને યુવકોએ વીડિયો ક્લિપ બતાવવાની ધમકી આપીને દુષ્કર્મ આચર્યુ છે. ત્યારે હવે આ મામલે પીડિતાએ પરણીતાએ 2 યુવકોના વિરૂદ્ધમાં ફરિયાદ નોંધાવી છે. આણંદ પોલીસ સ્ટેશનમાં બન્ને યુવકો વિરૂદ્ધ ફરિયાદ નોંધાવીને આગળની કાર્યવાહી હાથ ધરવામાં આવી છે.

ઉલ્લેખનીય છે કે થોડા દિવસ અગાઉ આણંદ જિલ્લાના નાપા તળપદ ગામમાં પણ દુષ્કર્મની ઘટના સામે આવી હતી. ગામની કિશોરીનું ગામના જ યુવક દ્વારા અપહરણ કરી દુષ્કર્મ આચરવામાં આવ્યું હતું.

સાથો સાથ તેના મિત્રો દ્વારા કિશોરીને માર મારી ગંભીર ઇજાઓ પહોંચાડી હતી. ત્યારબાદ યુવક કિશોરીને ખાનગી હોસ્પિટલમાં લઇ ગયો અને ત્યાં અકસ્માતથી ઇજા પહોંચી હોય તેવું જણાવી તે ફરાર થઇ ગયો હતો.

મહત્વનું છે કે આણંદમાં થોડા દિવસોની અંદર બળાત્કારના બે-બે કિસ્સા સામે આવતા શહેરમાં ચકચાર મચી જવા પામી છે.

જો કે આણંદ જ નહીં સમગ્ર ગુજરાત અને દેશભરમાં આ પ્રકારના કિસ્સાઓનું પ્રમાણ વધી રહ્યું છે. કાયદાઓ પણ કડક અમલમાં આવી રહ્યા છે છતાં નરાધમોને કાયદાનો ડર નથી. બન્ને ઘટનાઓને લઇને પોલીસ દ્વારા કાર્યવાહી શરૂ કરવામાં આવી છે.