રાજકોટ ક્રાઈમ બ્રાંચમાં એક પછી એક નવા વિવાદો ઉભા થતાં રહે છે. ત્યારે હવે સોશિયલ મીડિયામાં પોલીસ અને બુટલેગરનો ફોટો વાયરલ થઈ રહ્યાં છે
રાજકોટ પોલીસ અને બુટલેગરની મિત્રતા
પોલીસ અને બુટલેગરનો ફોટો વાયરલ
પોલીસ અને બુટલેગરનો પૂજા કરતો ફોટો વાયરલ
રાજકોટ ક્રાઈમ બ્રાન્ચ ફરી વિવાદમાં આવી છે અને દારૂ ભરેલા ટ્રકનું પાયલોટિંગ કરવાનો વિવાદ ચાલી રહ્યો છે. ત્યારે રાજકોટ ક્રાઈમ બ્રાંચ પોલીસની આબરૂ ધૂળમાં મેળવતી વધુ એક ઘટના સામે આવી છે. હાલ સોશિયલ મીડિયામાં પોલીસ કોન્સ્ટેબલ ભાવેશ મકવાણા સાથે બુટલેગર સૌરભ ચંદારાણાનો મંદિરમાં પૂજા કરતો હોય તેવો ફોટો વાયરલ થઈ રહ્યો છે. જે રાજકોટ પોલીસ અને બુટલેગરની મિત્રતાનો વધુ એક પુરાવો છે. આમ રાજકોટ પોલીસ અને બુટલેગરની મિત્રતા સામે આવતા ફરી એકવાર પોલીસની કાર્યવાહી સામે સવાલો ઉઠી રહ્યા છે.
સ્ટેટ મોનીટ્રીગ સેલ ટિમને જોઈ ફરાર થયો હતો ચંદારાણા
અત્રે ઉલ્લેખનીય છે કે, ગત રોજ સુરેન્દ્રનગરના સાયલા હાઈવે પાસે રાજકોટ ક્રાઈમબ્રાંચે વોચ ગોઠવીને દારૂ ભરેલું કન્ટેન્ટર ઝડપી પાડ્યું હતું. જેમાં તપાસ કરતા રાજકોટ ક્રાઈમબ્રાંચના જ અધિકારીની સંડોવણી ખુલી છે. ક્રાઇમ બ્રાંચની ટીમે સાયલાથી દારૂ ભરેલા કન્ટેનરનું અપહરણ કર્યું ત્યારે ક્રાઇમ બ્રાંચના સ્ટાફ સાથે રાજકોટનો નામચીન બૂટલેગર સૌરભ ઉર્ફે લાલો ચંદારાણા પણ હતો અને સ્ટેટ મોનિટરિંગ સેલની ટીમ પહોંચતા જ તે નાસી ગયો હતો, જેને હાલ પોલીસ શોધખોળ કરી રહી છે.
આ તસવીર સાબિત કરે છે કે પોલીસ અને ગુનેગાર વચ્ચે કેવી મિત્રતા છે
બૂટલેગર સૌરભ ચંદારાણા અને પોલીસની ઘનિષ્ઠ મિત્રતા છે તે પુરવાર કરતી તસવીર સોશિયલ મિડીયામાં વાયરલ થતાં ભારે ચકચાર મચી જવા પામી છે. મહત્વનું છે કે, સોશિયલ મિડીયામાં વાયરલ થઈ રહેલા ફોટામાં શિવ મંદિરમાં પૂજા કરી રહેલા જેકેટ વાળો બુટલેગર ચંદારાણા છે અને ડાબી બાજુ પેહલો બેઠો વ્યકતી ખોળામાં બ્લુ નેપકીન વાળો કોન્સટેબલ ભાવેશ મકવાણા છે. ઉલ્લેખનીય છે કે, પોલીસને જોતા જ બૂટલેગર અને ગુનેગારો ભાગે તેવી સ્થિતિ હોવી જોઇએ પરંતુ આ તસવીર સાબિત કરે છે કે પોલીસ અને ગુનેગાર વચ્ચે કેવી મિત્રતા છે
શું હતો સમગ્ર મામલો ?
અત્રે ઉલ્લેખનીય છે કે, ગત રોજ સુરેન્દ્રનગરના સાયલા હાઈવે પાસે રાજકોટ ક્રાઈમબ્રાંચે વોચ ગોઠવીને દારૂ ભરેલું કન્ટેન્ટર ઝડપી પાડ્યું હતું. જેમાં તપાસ કરતા રાજકોટ ક્રાઈમબ્રાંચના જ અધિકારીની સંડોવણી ખુલી છે. તેમાં પણ હાલમાં સાયલા પોલીસ અને રાજકોટ ક્રાઈમબ્રાંચ વચ્ચે હદ વિવાદ ચાલી રહ્યો છે. દારૂના કન્ટેનર આક્ષેપ પ્રતિ આક્ષેપ વચ્ચે સ્ટેટ મોનિટરિંગ સેલ સાયલા પહોંચ્યું છે.રાજકોટ ઇન્ચાર્જ પોલીસ કમિશનરે DCP ક્રાઇમને તપાસ સોંપી છે. કન્ટેનર ભરીને વિદેશી દારૂ કોણે મંગાવ્યો તે હજુ પણ મોટો સવાલ છે.