Ola S1 Pro સ્કૂટર સાથે ફરી એક સમસ્યા જોવા મળી. 90ની સ્પીડ થવાથી સ્કૂટર ઓટોમેટીક રીવર્સ મોડમાં ચાલ્યું જાય છે. જુઓ આ વીડિયો
ઓલાનાં સ્કૂટરમાં આવ્યું નવું ગ્લિચ
90ની સ્પીડ થતા જ લાગે છે રીવર્સ મોડ
વીડિયો થયો વાયરલ
ઓલા ઇલેક્ટ્રિક સ્કૂટરે ખૂબ જ ઓછા સમયમાં માર્કેટમાં ઓળખાણ બનાવી છે પરંતુ હવે આ પ્રોડક્ટ ફરિયાદોની જાળમાં ફસાતી જોવા મળે છે. કસ્ટમર્સની ફરિયાદો અને ઇલેક્ટ્રિક સ્કૂટરમાં આગ લાગવાની ઘટનાઓ બાદ હવે સ્કૂટરની રફતારને લઈને એક મોટી ગરબડ જોવા મળી છે. 90ની સ્પીડ થતા જ સ્કૂટર અટક્યા વગર રીવર્સ મોડમાં ચાલ્યું જાય છે.
વીડિયો થયો વાયરલ
સોશિયલ મીડિયા પર સ્કૂટરનાં અજીબ પ્રકારે ચાલવાનો વીડિયો અપલોડ થયા બાદ આ ઘટના સામે આવી છે. જોકે વીડિયોનાં સોર્સની જાણકારી હજુ મળી નથી. વીડિયોમાં Ola S1 Proને જમીન પર પડેલું જોઈ શકાય છે, જ્યારે તેનું પૈડું સતત રીવર્સ મોડમાં ફરી રહ્યું છે.
પહેલા પણ આ મોડલમાં પડી હતી તકલીફ
પૈડાનાં રીવર્સ રોટેશનની સાથે સાથે સ્કૂટરનાં ટર્ન સિગ્નલને પણ સતત જોઈ શકાય છે. એ ધ્યાન રાખી શકાય છે કે આ પહેલી વાર નથી બન્યું જયારે રીવર્સ મોડમાં વ્હીલ સ્પીનીંગનો મામલો સામે આવ્યો હોય. આ પહેલા પણ Ola S1 Pro સાથે આ પ્રકારની સમસ્યાની જાણકારી સામે આવી હતી. જ્યારે આ સ્કૂટર 102 કિલોમીટર પ્રતિ કલાકની સ્પીડમાં આવતા જ રીવર્સ મોડમાં બદલાઈ ગયું હતું. આ ઘટનાનો સમય ઘણો દુર્ભાગ્યપૂર્ણ હતો, કેમકે એ જ સમયે એક વ્યક્તિ સ્કૂટર ચલાવી રહ્યો હતો.
અપડેટ થાય છે સોફ્ટવેર
ઓલા સ્કૂટર ઘણા પ્રકારના ફીચર્સને કંટ્રોલ કરનાર સોફ્ટવેર સાથે આવે છે. આ સોફ્ટવેર કોઈપણ પ્રોબ્લેમને સોલ્વ કરવા માટે થોડા થોડા દિવસે અપડેટ કરવામાં આવે છે. એવું લાગે છે કે રીવર્સ મોડનાં ઓટોમેટીક થવાની સમસ્યા આ સોફ્ટવેરનાં માધ્યમથી જ પેદા થઇ છે.
શું છે સ્કૂટરની કિંમત?
Ola S1 Proની કિંમત હાલમાં 1.29 લાખ રૂપિયા છે અને આ 3.97 kWhની બેટરી સાથે આવે છે, જેની મેક્સિમમ રેંજ 181 કિલોમીટર છે અને આ પોર્ટેબલ 750W ચાર્જરનો ઉપયોગ કરીને 6 કલાક 30 મિનિટમાં ચાર્જ થઇ જાય છે.