ચકચાર / વધુ એક ગુજરાતીની અમેરિકામાં હત્યા: પરિવાર પર લૂંટારુઓએ એટેક કરતા ઘટનાસ્થળે જ યુવકનું મોત, પત્ની-દીકરી ઇજાગ્રસ્ત

• અમેરિકામાં વધુ એક ગુજરાતીની હત્યા
• એટલાન્ટા સીટીમાં રહેતા કરમસદના યુવકની હત્યા
• પરિવારના ત્રણ લોકો ઉપર લૂંટારુઓએ કર્યો હુમલો

અમેરિકામાં ગુજરાતીઓ પર હુમલાની ઘટના વધી રહી છે. તેવામાં વધુ એક ગુજરાતી યુવાનની હત્યા નિપજાવવામાં આવી હોવાનું સાંવ આવી રહ્યું છે. અમેરિકાના એટલાન્ટા સીટીમાં રહેતા મૂળ ગુજરાતના કરમસદના યુવકની હત્યાના વતનમાં વાવડ મળતા સમગ્ર પંથકમાં ગમગીની છવાઈ છે.3  શખ્સો એ ગોળીઓ વરસાવી હતી.

લૂંટના ઇરાદે ઘરમાં ઘુસેલા અશ્વેત લૂંટારુઓએ કર્યું ધડાધડ ફાયરિંગ

અમેરિકામાં વધુ એક ગુજરાતી યુવકની હત્યા નિપજાવવામા આવતા ચકચાર મચી જવા પામી છે. એટલાન્ટા સીટીમાં મૂળ ગુજરાતી પરિવારના 3 લોકો ઉપર લૂંટના ઇરાદે લૂંટારુએ હુમલો કર્યો હતો. આરોપીએ ઘરમાં ઘૂસીને જ યુવક પર હુમલો કર્યો હતો. આ દરમિયાન અંધાધૂંધ ફાયરિંગ કરતા કરમસદના 52 વર્ષીય પીનલભાઈ પટેલને ગંભીર ઇજા થવા પામી હતી. જેમાં યુવાનની લોહીલુહાણ હાલત થઈ હતી અને સારવાર મળે તે પહેલા જ તેનું ઘટનાસ્થળે જ મોત નીપજ્યું હતું.પોલીસની પ્રાથમિક તપાસમાં લૂંટના ઇરાદે ઘરમાં ઘુસેલા અશ્વેત લૂંટારુઓએ ધડાધડ ફાયરિંગ કરી ઘટનાને અંજામ આપતા રુપલબેન પીનલભાઈ પટેલ (ઉ.વ. 50) અને ભક્તિ પીનલભાઈ પટેલ (ઉ.વ.17) ગંભીર રીતે ઇજાગ્રસ્ત બન્યા છે.

તાજેતરમાં બની હતી આવી જ ઘટના! 

ઉલ્લેખનીય છે કે આ અગાઉ 17 જૂન 2022ના રોજ આવો જ એક બનાવ સામે આવ્યો હતો. જેમાં આણંદ જિલ્લાના મુળ સોજીત્રા ગામનો વતની પ્રેયર્સ પટેલની હત્યા નિપજાવમાં આવી હતી. જે છેલ્લાં કેટલાંય સમયથી અમેરિકામાં સ્થાઈ થયો હતો. આ દરમિયાન  અમેરીકાના ન્યૂપોર્ટ ન્યૂઝ કન્વીનિયન્સ સ્ટોરમાં જ્યાં તેઓ રાત્રે કામ કરી રહ્યા હતા આ દરમિયાન ગેસ સ્ટેશન પર લૂંટના ઇરાદે ઘુસાલે શખ્સોએ ગોળીઓ વરસાવી હતી હતી. જે  ગોળીબારમાં બે કામદારો મોતને ભેટ્યા હતા. આ અંગે જાણ થતા કિલન ક્રીક પાર્કવેના 1400 બ્લોક પર કન્વીનિયન્સ સ્ટોર પર પોલીસ બોલાવવામાં આવી હતી. જ્યા પોલીસની તપાસ દરમિયાન સ્ટોરની અંદર બે માણસો બંદૂકની ગોળીથી પીડાતા હતા જેને સારવાર મળે તે પહેલા જ મૃત જાહેર કરાયા હતા.