કાવતરું / વધુ એક સંરક્ષણ કૌભાંડ ! હવે તો ભારતની સૌથી મુખ્ય રિસર્ચ સંસ્થા સાથે કરાઇ છેતરપિંડી 

• CBIએ ગુનો દાખલ કરી ફરિયાદ નોંધી 
• DRDO ને ચોંટાડ્યા ખરાબ મશીન 
• અમેરિકી કંપની અને ભારતીય વિજ્ઞાની કથિત રૂપે સામેલ

અમેરિકી સંરક્ષણ કંપની એકોન અને તે સમયના વિજ્ઞાનીઓની સામે CBI દ્વારા ફરિયાદ નોંધવામાં આવી છે. આ ફરિયાદ 35 રેડિયો ફ્રિકવન્સી જનરેટરની ખરીદીમાં થયેલ અનિયમિતતાઓને લઈને નોંધવામાં આવી છે. 

Central Bureau of Investigation (CBI) registers a case against US-based firm AKON including then scientists and unknown public servant under sections 120B, 420 of IPC and Prevention of Corruption Act

— ANI (@ANI) January 4, 2021

DRDO ને 35 રેડિયો ફ્રિકવન્સી જનરેટર મોકલાયા હતા 

અહીં જે વિજ્ઞાનીનું નામ ફરિયાદમાં સામેલ છે તેનું નામ પ્રિયા સુરેશ છે અને તે ડિફેન્સ એવિયોનિક્સ રિસર્ચ એસ્ટાબ્લીશમેન્ટમાં કામ કરતી હતી. તેની પર છેતરપિંડીનો આરોપ છે. આ જનરેટર્સની 10 લાખ 80 હજાર 450 ડોલરમાં ખરીદી કરવામાં આવી હતી જેના 35 યુનિટ DRDO ને મોકલવામાં આવ્યા હતા. એકોન કંપનીને તેનું 90 ટકા રકમ આપવામાં આવી હતી. 

આ 35 માંથી 23 યુનિટને અમુક અઠવાડિયામાં જ રીપેર અથવા અપગ્રેડ કરવાના નામ પર ફરીથી અમેરિકા મોકલી દેવામાં આવ્યા છે અને હજુ સુધી કંપનીએ તેમાંથી પૂરી રીતે કામ કરી શકે ટેવઆ યુનિટ પરત આપી શકી નથી, આ બાબતમાં આ યુનિટને પરત અમેરિકા મોકલવાની ભલામણ પ્રિયા સુરેશે કરી હતી જો કે તેનો કોઈ જ રેકોર્ડ નથી અને આ યુનિટને પરત મોકલી દેવાયા છતાં કંપનીને તેની પૂરી કિમત ચૂકવી દેવાઈ હતી. 

23 યુનિટ હજુ પરત મોકલ્યા અને જે 12 બચ્યા છે તે પણ ખોટકાય છે 

CBI દ્વારા નોંધવામાં આવ્યું છે કે આ 35 માંથી જે 12 યુનિટ હાલમાં DRDO પાસે છે તે પણ સારી રીતે કામ નથી કરી શકતા અને આ મામલે પ્રિયા સુરેશ અને અમેરિકી કંપની કથિત રૂપે છેતરપિંડી કરવામાં ભાગીદાર હોય તેવુ જણાતા CBI એ કેસ દાખલ કરી ફરિયાદ નોંધી છે.