ગત એક મહિનાથી દેશમાં લોકડાઉનને કારણે જનજીવન થંભી ગયું છે પણ સરકાર નથી રોકાઈ. રાજ્યો સાથે મળીને સરકારી હોસ્પિટલ, લેબ, વેન્ટિલેટર જેવી મશીનરીને વિકસાવવામાં લાગી છે. પરિણામ સ્વરુપ 30 દિવસોમાં 2 ગણી લેબ તો ચાર ગણી સ્પીડથી વિશેષ હોસ્પિટલ તૈયાર થઈ ગયા છે.
દેશમાં 736 હોસ્પિટલ છે અને 194026 બેડની વ્યવસ્થા છે
325 સરકારી તથા ખાનગી લેબમાં કોરોનાની તપાસ
ટેસ્ટિંગને હથિયાર તરીકે જોવામાં આવી રહ્યું છે
આટલા ગણી લેબ અને હોસ્પિટલ બની
ઈન્ડિયન કાઉન્સિલ ઓફ મેડિકલ રિસર્ચના જણાવ્યાનુંસાર જનતા કર્ફ્યુના એક દિવસ પછી 23 માર્ચથી 100 સરકારી અને ખાનગી લેબમાં સંક્રમણ તપાસ ચાલી રહી છે. દેરક લેબમાં તપાસ કરવી શક્ય નથી. આરટી પીસીઆરના માધ્યમથી સેમ્પલની તપાસમાં 2-3 કલાક લાગે છે અને મશીન પણ અલગ આવે છે.
તેમ છતાં 23 એપ્રિલ સુધી દેશમાં 325 સરકારી તથા ખાનગી લેબમાં કોરોનાની તપાસ ચાલી રહી છે. આજ રીતે સ્વાસ્થ્ય મંત્રાલય મુજબ 23 માર્ચના રોજ દેશમાં 163 કોવિડ હોસ્પિટલ હતા. જેમાં 41, 974 બેડની ક્ષમતા હતી. પરંતુ હવે દેશમાં 736 હોસ્પિટલ છે જ્યાં 194026 બેડની વ્યવસ્થા કરવામાં આવી છે.
આટલા બેડની વ્યવસ્થા કરવામાં આવી છે
આપણે ત્યા અત્યારે 23039 દર્દી છે પણ સરકારી લગભગ 2 લાખ બેડની વ્યવસ્થા પહેલાથી જ કરી લીધી છે. કોવિડ 19 હોસ્પિટલોની સંખ્યામાં પણ સતત વધારો થઈ રહ્યો છે. જેમાં કુલ 24,644 આઈસીયુ બેડ તૈયાર છે. છેલ્લા 1 મહિનામાં આઈસોલેશન વોર્ડમાં બેડની સંખ્યા 3.6 ટકા વધી છે. સમગ્ર વિશ્વમાં મેડિકલ સામગ્રીની અછત છે. એ માટે સપ્લાય ચેનને તૈયાર કરવામાં આવે છે.
દેશમાં કોરોના વાયરસની તપાસ 5 લાખને પાર
આઈસીએમઆરના જણાવ્યાનુંસાર દેશમાં કોરોનાની તપાસની સંખ્યા 5 લાખને પાર થઈ ગઈ છે. ગુરુવારે દેશમાં 4,85,172 લોકોના 500542 સેમ્પલની તપાસ કરવામાં આવી છે. ડાયરેક્ટર ડ. બલરામ ભાર્ગવે કહ્યું કે લોકડાઉનનો એક મહિનો પુરો થઈ ગયો છે. ટેસ્ટિંગને અમે હથિયાર તરીકે વાપરી રહ્યા છીએ. ટેસ્ટિંગની ક્ષમતા વધારવાનો પ્રયાસ કરી રહ્યા છીએ.