મહામારી / ભારતમાં જો 1 મહિનાનું ફરી લૉકડાઉન લગાવવામાં આવે તો GDPને થઇ શકે આટલું નુકસાન, જાણો સમગ્ર રિપોર્ટ

• ભારતમાં કોરોના સંકટ વધ્યું
• જો ફરી એક મહિનાનું લૉકડાઉન થાય તે GDPમાં1 થી 2 ટકાનો થઇ શકે ઘટાડો 
• બોફાએ જાહેર કર્યું અનુમાન 

બોફાએ કહ્યું કે મહામારીના કેસોમાં વધારાને કારણે અર્થવ્યવસ્થાને ફરી પાટે ચડાવવી જોખમ છે. બ્રોકરેજ કંપનીએ કહ્યું કે જો ભારતમાં ફરીથી એક મહિનાનું રાષ્ટ્રીય લોકડાઉન થાય છે, તો તેને જીડીપીના એકથી બે ટકા સુધી નુકસાન થઈ શકે છે.

ગતિવિધી સૂચકાંકમાં પણ થયો ઘટાડો 

બોફાના રિપોર્ટમાં કહેવામાં આવ્યું છે કે, વૃદ્ધિ હજી સૂસ્ત છે અને મહત્વપૂર્ણ આર્થિક સંકેતકોમાં ઘટાડો નોંધાયો છે. દેવાની વૃદ્ધિ ખૂબ નબળી છે. સંક્રમણના વધતા જતા કેસોને કારણે વૃદ્ધિના મોરચે ચિંતા વધી છે. સાત પરિબળો પર આધારીત બોફાએ ઇન્ડિયાનો ગતિવિધી સૂચકાંક ફેબ્રુઆરીમાં એક ટકા સુધી આવી ગયો હતો જે  જાન્યુઆરીમાં 1.3 ટકા હતો. પાછલા મહિનાની તુલનામાં ફેબ્રુઆરીમાં ભારતના પ્રવૃત્તિ સૂચકાંકમાં સાત પરિબળોમાંથી ચાર સુસ્ત રહ્યા છે.

લૉકડાઉન લાગે તો 1 થી 2 ટકા જેટલો ઘટે GDP 

રિપોર્ટમાં કહેવામાં આવ્યું છે કે આથી માર્ચ ક્વાર્ટરમાં વાસ્તવિક જીવીએના ત્રણ ટકાની વૃદ્ધિનું જોખમ છે. ઇન્ડેક્સ 2020-21માં ડિસેમ્બર 2020 માં પ્રથમ સકારાત્મક બન્યો હતો. અગાઉ, સતત નવ મહિના સુધી તેમાં ઘટાડો થયો હતો. અહેવાલમાં નોંધ્યું છે કે સંક્રમણના વધતા જતા કેસોને કારણે પુનર્જીવનનું જોખમ છે. અમારો અંદાજ છે કે રાષ્ટ્રીય સ્તરે એક મહિનાના લોકડાઉનને કારણે જીડીપીના એકથી બે ટકા સુધી નુકસાન થશે.
 

ભારતમાં કોરોનાના કેસોએ ફરી વધારી છે ચિંતા 

ભારતમાં મહામારીના મામલાઓ છેલ્લા 15 દિવસથી દરરોજ નવા રેકોર્ડ સ્થાપિત કરી રહ્યા છે. છેલ્લા 24 કલાકમાં ભારતમાં 2.17 લાખ નવા કેસ નોંધાયા છે અને 1185 લોકો અહીં મૃત્યુ પામ્યા છે.