અકસ્માત... રાજ્યમાં રોજબરોજની ઘટનામાં સામેલ થઇ ગઇ છે. ભારે ગતિથી વાહન ચલાવતા મોટા અકસ્માતની સંભાવના વધી જાય છે. અકસ્માતનું પ્રમાણ ઘટાડવા માટે કડક કાયદાઓ પણ બનાવવામાં આવ્યા છે. પરંતુ એક દ્રષ્ટિએ તે નિષ્ફળ નિવડતા જણાય રહ્યા છે. રવિવારે ફરી રાજ્યમાં ત્રણ અલગ અલગ અકસ્માતની ઘટનાઓ બની છે.
જૂનાગઢના અજાબ રોડ પર ટ્રકની અડફેટે બાઈકચાલકનું મોત
છોટાઉદેપુરના ગોલા ગામડી ચાર રસ્તા નજીક અકસ્માત, 4ને ઇજા
મહેસાણામાં કાર અને 2 બાઈક વચ્ચે સર્જાયો અકસ્માત, 3ને ઇજા
જૂનાગઢના અજાબ રોડ પર ટ્રકની અડફેટે બાઈકચાલકનું મોત થયું છે. આ અકસ્માત બાદ ટ્રકચાલક શખ્સ ઘટનાસ્થળેથી ફરાર થઇ ગયો હતો. બાઈકચાલક મજૂરી કામેથી પરત ફરી રહ્યો હતો.
ગોલા ગામડી નજીક દારૂ ભરેલી કારે અન્ય કારને મારી ટક્કર
છોટાઉદેપુરના ગોલા ગામડી ચાર રસ્તા નજીક અકસ્માત થયો છે. દારૂ ભરેલી કારે અન્ય કારને ટક્કર મારી છે. આ કારચાલક સહિત અન્ય 4 વ્યક્તિને ઈજા પહોચી છે. આ અકસ્માતમાં એક બાળકીને ગંભીર ઈજા પહોચી છે. આ ઈજાગ્રસ્તોને સારવાર માટે હોસ્પિટલમાં ખસેડવામાં આવ્યાં છે.
વિજાપુર કુકરવાડાની APMC પાસે બની ઘટના, ત્રણ વ્યક્તિને થઈ ઇજા
મહેસાણાના વિજાપુર કુકરવાડાની APMC પાસે કાર અને 2 બાઈક વચ્ચે અકસ્માત થયો હતો. આ અકસ્માતમાં 3 લોકોને ભારે ઈંજા થતા તને સારવાર માટે હોલા ગાંધીનગર સિવિલ હોસ્પિટલમાં ખસેડવામાં આવ્યાં હતા. ત્યારે પોલીસ ઘટના સ્થળે પહોંચીને આગળની કાર્યવાહી હાથ ધરી છે.