ભાવનગરના ફુલસર ગામે પાડોશી યુવતીની છેડતીની ઘટના બની હતી. જે બાદ યુવતીના બે ભાઈનો છેડતી કરનારા શખ્સો સાથે ઝઘડો થયો હતો. દરમિયાન યુવતીના ભાઈઓ પર ઘાતકી હુમલામાં એકનું મોત નિપજ્યું હતું. જે બાદ પોલીસે તપાસ અને ફરિયાદ કરીને 4 લોકોને જેલના સળીયા પાછળ ધકેલીયા હતા.
ભાવનગરના ફૂલસર વિસ્તારમાં જકાતનાક નજીક ત્રણ દિવસ અગાઉ બહેનની છેડતી મામલે બે ભાઈઓ પર તીક્ષ્ણ હથિયાર દ્વારા હુમલો થયો હતો. જેમાં એક ભાઈ એટલો ગંભીર રીતે ઈજાગ્રસ્ત થયો કે, તેનું મોત નિપજ્યું હતું. જે બાદ શહેર આખામાં ચકચારી મચી હતી. યુવકની હત્યા બાદ આરોપીઓ નાસી ગયા હતા. હત્યાની જાણ બાદ પોલીસનો કાફલો પણ ઘટનાસ્થળે પહોંચ્યો હતો. અને યુવકના મૃતદેહને પોસ્ટમોર્ટમ માટે મોકલાયો હતો.
મૃતક યુવકનું નામ મયુર મિસ્ત્રી હતું. પોતાની બહેનની છેડતી કરનાર શખ્સ સાથે ઝઘડો થતા મયુરને જીવ ગુમાાવવાનો વખત આવ્યો છે. તો પરિવાર પણ સંપૂર્ણ રીતે ભાંગી ગયો છે. જવાન દિકરાની મોતે એક બહેનને એક પછી એક બીજો દામ આપ્યો છે. તો બહેનની છેડતી કરનારા શખ્સની સાથે ઝઘડામાં બીજો ભાઈ ઉમેશ પણ ગંભીર રીતે ઘાયલ થયો છે.
મયુરની બાજુમાં રહેતા એક પરિવારની યુવતીને મયુરએ ધર્મની બહેન બનાવી હતી. જો કે કેટલાક શખ્સો યુવતીને પરેશાન કરતા હતા. મયુરે પરેશાન કરનાર શખ્સોને ઠપકો આપ્યો હતો. બસ આરોપીને આ વાત ગમી નહીં અને શખ્સો અગાઉ પણ ઉતરાયણના દિવસે મયુર અને તેના ભાઈની ઉપર હુમલા કરવા આવ્યા હતા. પરંતુ જે તે સમયે પરિવારોએ સમજાવટથી મામલાઓ સંકેલી લીધો. જયારે બીજા હુમલામાં મયુરનો જીવ લીધો.