દુનિયાભરમાં છોકરીઓના શિક્ષણની સ્થિતિ પર મોટો ખુલાસો થયો છે. યુનિસેફ (UNICEF) મુજબ દુનિયાભરમાં ગરીબ ઘરની દર ત્રણ છોકરીઓ (10થી 19 વર્ષની ઉમંર) માંથી એક છોકરીને સ્કૂલે જવાની તક નથી મળતી. એજ્યુકેશન વર્લ્ડ ફોરમના મંચ પર આ વાત કહેવામાં આવી છે.
યુનિસેફ (UNICEF) એ એક નિવેદનમાં કહ્યું છે કે, ગરીબી, જાતિ આધારિત ભેદભાવ, ડિસએબિલિટી, એથનિક ઓરિજિન અથવા ભાષા, ખૂબજ દૂર સ્કૂલ હોવી, સ્કૂલોમાં પાયાની સુવિધાનો અભાવ જેવા અવરોધો ગરીબ ઘરના બાળકોને આજે પણ શિક્ષણ હાંસલ કરવાથી રોકે છે. આગળ કહેવામાં આવ્યું છે કે, વિશ્વભરમાં બાળકો એટલા માટે વાંચી શકતા નથી કે કેમકે શિક્ષણના દરેક પડાવથી દૂર કરી દેવામાં આવતા ગરીબીની સ્થિતિમાં કોઇ સુધારો આવતો નથી.
યુનિસેફની એક્ઝિક્યુટિવ ડિરેક્ટર હેનરિટા ફોરે કહ્યું કે, દુનિયાભરના દેશ પોતાનાને ત્યાં આમ ગરીબ વિદ્યાર્થીઓને નિષ્ફળ બનાવી દે છે અને આ દેશો આ પ્રકારે ખુદને જ નિષ્ફળ બનાવી રહ્યા છે. જ્યાં એક તરફ જાહેર ક્ષેત્રમાં શિક્ષણ પર તમામ ખર્ચ અમીર ઘરોના બાળકોના શિક્ષણ પર ખર્ચ કરવામાં આવે છે, ત્યારે ગરીબ ઘરના બાળકોને હંમેશા ગરીબીમાં રહેવા માટે છોડી દેવામાં આવે છે. જરુરી કૌશલ્ય ન હોવાને કારણે ગરીબ ઘરોના બાળકો સ્પર્ધા નથી કરી શકતા અને ન દેશની અર્થવ્યવસ્થામાં યોગદાન આપી શકે છે.
42 દેશોથી પ્રાપ્ત આંકડાઓને જોઇને કહી શકાય છે કે, દેશ ગરીબ બાળકોના શિક્ષણ પર ખર્ચ કરવાની તુલનામાં અમીર ઘરના બાળકોના શિક્ષણ પર બે ગણો ખર્ચ કરે છે. આફ્રીકી દેશોમાં શિક્ષણ પરના ખર્ચમાં અમીરી અને ગરીબી વચ્ચેનું અંતર ખૂબજ વધારે છે. 10 આફ્રીકી દેશોથી પ્રાપ્ત આંકડાઓ મુજબ, આફ્રીકી દેશોમાં અમીર ઘરોના બાળકો પર ગરીબોની તુલનામાં ચાર ગણો વધારે ખર્ચ કરવામાં આવે છે.
જોકે, કેટલાક દેશો એવા પણ છે, જે બાળકોના શિક્ષણના મામલામાં અમીર અને ગરીબ ઘરોના બાળકો પર એક સમાન ખર્ચ જ કરે છે. આ દેશોમાં બાર્બાડોસ, ડેનમાર્ક, આયરલેન્ડ, નોર્વે, સ્વીડન જેવા દેશોના નામ સામેલ છે. પેપરમાં કહેવામાં આવ્યું છે કે, ગરીબ બાળકો માટે સંસાધનોની અછતથી દુનિયાભરમાં બાળકો શિક્ષણથી વંચિત રહી જાય છે.
વિશ્વ બેન્કનું માનીએ તો, ઓછી અને મધ્યમ આવક ધરાવતા દેશોના અડધાથી વધારે બાળકો પ્રાથમિક સ્તરના શિક્ષણ બાદ પણ અભ્યાસ નથી કરી શકતા. પેપરમાં કહેવામાં આવ્યું છે કે, સરકારો ફંડને એ પ્રકારે ખર્ચ કરે કે જેથી ફંડના 20 ટકા ઓછામાં ઓછા 20 ટકા ગરીબ બાળકો પર ખર્ચ કરવામાં આવી શકે.
પેપરમાં પ્રાથમિક શિક્ષણ પર જાહેર ખર્ચને વધારવાની વાત કહેવામાં આવી છે. કેમકે સૌથી વધારે ગરીબ બાળકો પ્રાથમિક સ્તરે જ અભ્યાસ કરે છે. હેનરિટા ફોરે કહ્યું કે, આપણે એક ચિંતાજનક સ્થિતિમાં છીએ, જો આપણે યોગ્ય રીતે (શિક્ષણ પર) રોકાણ કરીશું તો આપણે વધારે લોકોને ગરીબીથી બહાર નીકાળી શકીશું.