અકસ્માત / ઈડરનાના દેશોતર રોડ પર કાર ઝાડ સાથે ટકરાતા ગમખ્વાર અકસ્માત, એકનું મોત ત્રણ ગંભીર

• ઈડરના દેશોતર રોડ પર બની કાર અકસ્માતની દુર્ઘટના
• કાર ઝાડ સાથે ધડાકાભેર અથડાતા એકનું મૃત્યુ
• કારચાલકે કાબૂ ગુમાવતા થયો હતો અકસ્માત

ઈડરના દેશોતર રોડ ઉપર બની ગોઝારી ઘટના 

ઇડરના દેશોતર થી હિંમતનગર રોડ ઉપર આવેલ ઈલોલ નજીક રોડ ઉપર એક કારના ચાલકે સ્ટિયરિંગ પરથી કાબૂ ગુમાવતા ઝાડ સાથે ટકરાતાં કારના ભૂક્કા નીકળી ગયા હતા. અકસ્માત થતાં ઘટના સ્થળે કાર ચાલકનું મોત થયું હતું. કારમાં સવાર અન્ય ત્રણ લોકોને સારવાર અર્થે સિવિલમાં ખસેડાયા હતા.

કાર ઝાડ સાથે ધડાકાભેર અથડાતા એકનું મૃત્યુ

ઉલ્લેખનીય છે કે, ઈડરના દેશોતર-ઈલોલ રોડ ઉપર એક કાર ચાલકે એકા એક કાર પરથી કાબૂ ગુમાવતા અકસ્માત નીપજ્યો હતો. જેમાં કારચાલકે જેવો કાર પરથી કાબૂ ગૂમાવતાં કાર  એક ઝાડ પાસે અથડાઈ હતી. જેમાં  કાર ચાલકનું તો ઘટના સ્થળે મોત જ નીપજ્યું હતું. જ્યારે અન્ય ત્રણ વ્યક્તિઓને ગંભીર ઈજાઓ પહોંચતા તેઓને તાત્કાલિક સારવાર અર્થે સિવિલ હોસ્પિટલ ખાતે ખસેડાયા છે.