અમદાવાદમાં રામોલ રિંગરોડ પાસે અકસ્માતને કારણે બાઈક ચાલકનું મોત થયું છે. પતંગની દોરીથી બચવા બાઈક ચાલકનું સામેથી આવતા બાઈક સાથે ટકરાતા ઘટના સ્થળે જ મોત થયું છે. જોકે અકસ્માત સર્જાતા દારૂ અને બિયરની બોટલો રસ્તા પર વેરાઇ હતી.
મહેમદપુરા પાસે અકસ્માત
બે બાઇક અથડાતાં અકસ્માત
એક બાઇક સવારનું મોત
અમદાવાદ રામોલ રિંગરોડ પર પતંગના દોરાથી બચવા જતાં બે બાઇક વચ્ચે ગમખ્વાર અકસ્માત સર્જાયો હતો. જેમાં એક બાઇક સવારનું ઘટનાસ્થળે જ મોત થયું છે. જ્યારે અન્ય બાઇક સવારને ઇજા થતાં તાત્કાલિક સારવાર અર્થે હોસ્પિટલ લઇ જવાયો હતો. આ દરમિયાન અન્ય બાઈક ચાલકોને પણ સામાન્ય ઈજાઓ થઈ હતી.
થેલામાંથી દારૂ અને બિયરની બોટલો પર ઢોળાઇ
જોકે અહીં બંને બાઇક અથડાતા રસ્તા પર થેલામાંથી દારૂની બોટલો પડી ગઇ હતી. જેના પરથી આશંકા જોવાઇ રહી છે કે, દારૂની ખેપ મારતા રસ્તામાં અકસ્માત સર્જાયો હશે. પોલીસે ઘટનાસ્થળે પહોંચીને તપાસ હાથ ધરી છે.
મહત્વનું છે કે, ઉત્તરાયણ પર્વની ઉજવણી દરમિયાન કેટલાક અકસ્માત સર્જાયા છે. ભરૂચમાં નારાયણનગરમાં 10 વર્ષીય બાળકી ધાબા પરથી પટકાઈ હતી. અંકલેશ્વરમાં 10 વર્ષનો બાળક ધાબા પરથી પટકાયો હતો. બીજી તરફ વડોદરામાં પતંગ ચગાવતા યુવક સાતમાં માળેથી પટકાતા મોતને ભેટ્યો. મક્તમપુર રોડ પર બાઈક ચાલકને ઈજા પહોંચી હતી. દોરીથી યુવકનું ગળુ કપાતા સારવાર અર્થે ખસેડાયો હતો. ઝઘડિયાના નાના સાંજા ગામમાં યુવતીને કરંટ લાગ્યો છે. ડી.જે. સ્પીકર ચાલુ કરવા જતાં યુવકીને કરંટ લાગ્યો હતો.