સવારથી અત્યાર સુધીમાં ચોથી દૂર્ઘટના સામે આવી છે જેમાં દમણના વરકુંડમાં બાઈક અકસ્માતમાં એક યુવકનું મોત થયું છે.
દમણના વરકુંડમાં બાઈક સ્લીપ થતા વેપારીના દિકરાનું મૃત્યુ
ઓવરસ્પીડમાં બાઈક હતી ત્યારે ટર્ન મારવા જતા સ્લીપ થયું બાઈક
બાઈક સ્લીપ થઈ અને ડીવાઈડર સાથે અથડાઈ ગઈ
દમણના વરકુંડમાં બાઇક સ્લીપ થતા વેપારી પુત્રનું મૃત્યુ થયું છે. બટાકાના વેપારી ઓમપ્રકાશ ઠાકુરના પુત્ર જયદીપસિંગનું મૃત્યુ થતાં સમગ્ર પંથકમાં શોકની લાગણી ફેલાઈ ગઈ હતી. 100ની સ્પીડમાં ટર્ન મારવા જતા બાઇક સ્લીપ થયુ હતુ.
વેપારી પુત્રના બાઇકની સ્પીડ 100થી વધુ હોવાનું સામે આવ્યું
બાઇક સ્લીપ થઇ ડિવાઇડર સાથે અથડાતા જયદિપસિંગનું મૃત્યુ થયું હતુ. 38 વર્ષીય જયદીપસિંગની પાછળ બેઠેલા મિત્રને સામાન્ય ઇજાઓ પહોંચી હતી. અકસ્માત રૂ.10 લાખની કિંમતનું હતું વિદેશી સ્પોર્ટ્સ બાઇક હાર્લી ડેવિડસન હતુ. વેપારી પુત્રના બાઇકની સ્પીડ 100થી વધુ હોવાનું સામે આવ્યું છે.
મહેસાણામાં અકસ્માતમાં 3ના મોત
મહેસાણામાં ગમખ્વાર અકસ્માતમાં 3 શિક્ષકોના મૃત્યુ થયુ છે. પાંચોટ તળાવમાં કાર ખાબકતા મહેસાણાથી નોકરીએ જઈ રહેલા 3 શિક્ષકો મૃત્યુને ભેટ્યા છે. કાર ચલાવતી વખતે શ્વાન વચ્ચે આવતા કાર ચાલકે કાબુ ગુમાવ્યો હતો અને કાળ તેમને ભરખી ગયો હતો. આ અકસ્માતમાં 1 મહિલા અને 2 પુરૂષના મૃત્યુ પામ્યા છે. આ શિક્ષકો રાધનપુર નજીક મોરવાડ જતા હતા.
ભરૂચ-જંબુસર રોડ પર ગોઝારો અકસ્માત સર્જાયો છે. ઈકો કાર અને કન્ટેનર અથડાયા હતા. અકસ્માતમાં 7 વર્ષીય બાળકનું મૃત્યુ થયું છે. જેમાં 3 ઘાયલ છે. તાલુકા પોલીસે વધુ તપાસ હાથ ધરી છે.