BIG BREAKING / સુરતમાં ફરી મોટી દુર્ઘટના: બીજા માળેથી મિલની લિફ્ટ તૂટતા 9 લોકો નીચે પટકાયા, એકનું મોત, 8 ઘાયલ

• સુરતમાં વધુ એકવખત લિફ્ટ તૂટ્યાની ઘટના ઘટી
• ભટાર ખાતે શાંતિવન મિલમાં લિફ્ટ તૂટતા 1નું મોત
• 8 ઇજાગ્રસ્તોને સારવાર અર્થે હોસ્પિટલ ખસેડાયા

સુરતમાં વધુ એક વખત લિફ્ટ તૂટ્યાની ઘટના સામે આવી છે શહેરના ભટાર ખાતે શાંતિવન મિલમાં લિફ્ટ તૂટતા એકનું મૃત્યુ થયું છે. જ્યારે 8 લોકો ઈજાગ્રસ્ત થયા છે.  હાલમાં તમામ ઇજાગ્રસ્તોને સારવાર અર્થે હોસ્પિટલ ખસેડવામાં આવ્યા છે. જણાવી દઇએ કે, મળતી માહિતી અનુસાર, બીજા માળેથી એકાએક લિફ્ટ ખોટકાતા તમામ લોકો નીચે પટકાયા હતા. આથી આ દુર્ઘટનામાં એકનું મોત નિપજ્યું છે જ્યારે અન્ય ઇજાગ્રસ્તોમાંથી કેટલાકની કમર તૂટી છે તો કેટલાકના પગ ફેક્ચર થયા છે.

BIG NEWS: સુરતમાં વધુ એકવખત લિફ્ટ તૂટી: ભટાર ખાતે શાંતિવન મિલમાં લિફ્ટ તૂટતા એકનું મોત અને 8 લોકો ઇજાગ્રસ્ત, ઇજાગ્રસ્તોની કમર તૂટી અને પગ ફ્રેક્ચર થયા, ઇજાગ્રસ્તોને સારવાર અર્થે હોસ્પિટલ ખસેડાયા#Surat #Liftbreak

— VTV Gujarati News and Beyond (@VtvGujarati) October 5, 2022

અગાઉ આ જ રીતે અમદાવાદ અને સુરતમાં લિફ્ટ તૂટ્યાની ઘટના ઘટી હતી

ઉલ્લેખનીય છે કે, હજુ તો થોડાક દિવસો અગાઉ જ અમદાવાદ અને સુરતમાં પણ આવી જ દુર્ઘટના ઘટી હતી. જેમાં અમદાવાદમાં ગુજરાત યુનિવર્સિટી નજીક એસ્પાયર - 2 નામની બિલ્ડિંગમાં બાંધકામ દરમ્યાન લિફ્ટ તૂટી પડતા 7 શ્રમિકોના મોત નિપજ્યાં હતા. જ્યાર પછી સુરતમાં પણ પાંડેસરાના વડોદ ગામ નજીક પ્લેટિનિયમ કોમ્પ્લેક્સમાં કોમર્શિયલ લિફ્ટ તૂટ્યાની ઘટના સામે આવી હતી. જેમાં 2 લોકોના મોત નિપજ્યા હતા.

જોકે અહીં કેટલાક પ્રશ્નો પણ મનમાં ઉદભવે છે જેવાં કે શા માટે વારંવાર આ પ્રકારની લિફ્ટ તૂટ્યાની ઘટનાઓ ઘટતી રહે છે? ક્યાં સુધી આ રીતે લોકો મોતના મુખમાં ધકેલાતા રહેશે? શું કોન્ટ્રાક્ટર કે મનપાની કોઇ જવાબદારી જ નથી?

સળગતા સવાલ

• વારંવાર લિફ્ટ તૂટવાની ઘટના કેમ બને છે?
• અમદાવાદમાંથી સુરત મનપાએ કાંઈ શિખ ન લીધી?
• કોન્ટ્રાક્ટરની બેદરકારી રાજ્યમાં કેટલાના જીવ લેશે?
• પોલીસ કોન્ટ્રાક્ટર વિરુદ્ધ દાખલારૂપ કાર્યવાહી કેમ નથી કરતી?
• કોન્ટ્રાક્ટરો લોકોને ક્યાં સુધી મોતના મુખમાં ધકેલશે?