સુરત / પુણા ગામમાંથી 99 લાખની જૂની ચલણી નોટો સાથે એક શખ્સની ધરપકડ

સુરતના પુણા વિસ્તારમાં રૂ. 99 લાખની જૂની ચલણી નોટ સાથે એક શખ્સ ઝડપાયો છે. પોલીસને બાતમી મળી હતી કે, મુંબઈથી સુરત એક શખ્સ ખાનગી બસમાં જૂની નોટ લઈને આવી રહ્યો છે. આ બાતમીના આધારે પોલીસે ખાનગી બસમાં તપાસ કરી હતી. ખાનગી બસમાં તપાસ કરતા પોલીસે શખ્સની ઝડપી પાડ્યો. રદ થયેલી રૂ.500 અને રૂ. 1000ના દરની નોટો પોલીસે કબજે કરી છે. પોલીસે વધુ તપાસ હાથધરી છે.

જૂની રદ્દ થયેલી ચલણી નોટ અંગે પોલીસે દ્વારા આયકર વિભાગને જાણ કરવામાં આવી છે. જ્યારે સમગ્ર મુદ્દે હવે આયકર વિભાગ પણ તપાસ કરશે કે આ નોટ ક્યાંથી આવી અને ક્યાં લઈ જવામાં આવી રહી હતી અને આટલી મોટી રકમ કોણે હજુ બ્લેકમાં સંગ્રહ કરી રાખી હતી.
(ઘટનાને દર્શાવવા માટે પ્રતિકાત્મક તસ્વીર લીધેલ છે.)