બળજબરી / લવ જેહાદ કેસઃ વડોદરામાં ધર્મ પરિવર્તન કરાવનારા મૌલવીની ધરપકડ, નિકાહ પઢાવી નામ બદલવાનો આક્ષેપ

• વડોદરા ફતેગંજ પોલીસ મથકમાં લવ જેહાદ કેસ
• નિકાહ-ધર્મ પરિવર્તન કરાવનાર મૌલવી ઝડપાયો
• મૌલવી અબ્દુલ મુસ્તુફા મોહમ્મદ હદિશ પઠાણની ધરપકડ

વડોદરા ફતેગંજ પોલીસ મથકમાં લવ જેહાદ કેસ મામલે નિકાહ-ધર્મ પરિવર્તન કરાવનાર મૌલવી ઝડપાયો છે. મૌલવી અબ્દુલ મુસ્તુફા મોહમ્મદ હદિશ પઠાણની ધરપકડ કરવામાં આવી છે. યુવતીની મરજી વિરૂદ્ધ નિકાહ પઢાવી નામ બદલવાનો આરોપ છે. ફતેગંજ વિસ્તારમાં હિન્દુ યુવતીને પ્રેમજાળમાં ફસાવી લગ્ન કર્યા હતા. સંતોકનગરમાં રહેતા મોહિબ પઠાણે 2020માં રજિસ્ટર્ડ મેરેજ કર્યા હતા.

લવજેહાદનો મામલો સમજો 

• વડોદરાના ફતેગંજ વિસ્તારમાં સામે આવ્યો લવ જેહાદનો કિસ્સો
• હિન્દુ યુવતીને પ્રેમજાળમાં ફસાવી યુવકે કર્યા લગ્ન
• સંતોકનગરમાં રહેતા મોહિબ પઠાણે 2020માં રજિસ્ટર્ડ મેરેજ કર્યા હતા
• લગ્ન પહેલા યુવતીને તેનો ધર્મ અને રિવાજ પાળવાની ખાતરી આપી હતી
• પતિ મોહિબે લગ્નના એક મહિના બાદ તેનો રંગ દેખાડ્યો
• યુવતીને બુરખો પહેરવા અને નમાઝ પઢવા દબાણ કરાયું
• મોહિબના મોટાભાઇ મોહસીન પર પણ શારીરિક અડપલાનો આરોપ
• પુત્રના જન્મ બાદ નામ બાબતે પણ પતિ મોહિબે મારપીટ કરી હતી
• શારીરિક માનસિક ત્રાસ આપી દબાણ કરતા યુવતીએ ફરિયાદ નોંધાવી હતી
• પોલીસે પતિ મોહિબ અને આરોપીના પિતાની કરી ધરપકડ

વલસાડમાં ફરી એક વખત દુષ્કર્મનો બનાવ સામે આવ્યો છે. જોકે આ કેસમાં એક વિધર્મી દંપત્તીએ હિન્દુ યુવતીને ફસાવી હોવાની માહિતી સામે આવી છે. આ બનાવને લઈને આસપાસના વિસ્તારમાંતો ચકચાર મચી જવા પામી છે. તો સાથે જ લોકોમાં ક્યાંકને ક્યાંક રોષનો માહોલ જોવા મળી રહ્યો છે. 

લલચાવી ફોસલાવીને દુષ્કર્મ આચર્યુ

આરોપી દપંત્તી પૈકી પતિનું નામ વસીમ મન્સુરી હોવાનું સામે આવ્યું છે. જેણે યુવતીને લલચાવી ફોસલાવીને તેની સાથે દુષ્કર્મ આચર્યું હતું. પીડિત યુવતીના કહેવા પ્રમાણે આરોપીએ પહેલા તેને લગ્નની લાલચ આપી હતી. જેથી તે તેની વાતોમાં ભોળવાઈ ગઈ હતી. 

આરોપીની પત્નીએ યુવતીનો અશ્લિલ વીડિયો ઉતાર્યો 

લગ્નની લાલચ આપીને આરોપીએ પીડિતા સાથે અનેક વખત દુષ્કર્મ આચર્યું હતું. જોકે નવાઈની વાતતો એ છે, કે આરોપી વસીમની પત્ની સબનમે પીડિત યુવતીનો અશ્લિલ વીડિયો ઉતારી લીધો હતો. જે વીડિયો તે તેના માતા પિતાને બતાવાની ધમકી આપતી હતી. જેના કારણે પીડિતા ઘણી ગભરાઈ ગઈ હતી. જોકે કંટાળીને તેણે છેલ્લે પોલીસમાં ફરિયાદ નોંધાવી. 

આરોપી પતિ પત્ની હવાલાતમાં 

પોલીસને ફરિયાદ મળતાની સાથે તેમણે ઘટનાની ગંભીરતાને ધ્યાનમાં રાખીને તપાસ આરંભી અને આરોપી પતિ પત્નીને ઝડપી પાડ્યા છે. હાલ દંપત્તિને તેની કરતૂતને કારણે જેલના સળીયા ગણવાનો વારો આવ્યો છે. જોકે જે રીતે પત્નીએ પણ આ કાવતરામાં તેના પતિનો સાથ આપ્યો હતો. તે વાત જાણીને પોલીસ પણ બે ઘડી હેરાન રહી ગઈ હતી.