પાકિસ્તાન ક્રિકેટ બોર્ડે તેના રાઈટ હેન્ડેડ બેટ્સમેન ઉમર અકમલ ભ્રષ્ટાચારના આરોપ બદલ ત્રણ વર્ષનો પ્રતિબંધ મૂકી દીધો છે. ફિક્સિંગ માટે ઉમર અકમલનો સંપર્ક સાધવામાં આવ્યો હતો. જે અંગે તેણે પાકિસ્તાન ક્રિકેટ બોર્ડને માહિતી આપી નહોતી. જેથી આદ બાબત ધ્યાનમાં આવ્યા બાદ ક્રિકેટ બોર્ડે ઉમર સામે કડક પગલાં લીધા હતા. જેથી હવે આ પ્રતિભાશાળી બેટ્સમેન 3 વર્ષ સુધી બેટને હાથ પણ લગાવી શકશે નહીં અને મેદાનમાં પણ પ્રવેશ નહીં કરી શકે. તમને જણાવી દઈએ કે, એક સમયે ઉમર અકમલની બોલબાલા હતી. તેને વિરાટ કોહલી કરતાં પણ લાખ ગણો સારો બેટ્સમેન માનવામાં આવતો હતો. ચાલો તમને એ કિસ્સો જણાવીએ જ્યાએ એવું કહેવાતું હતું કે વિરાટ કોહલી ઉમર અકમલની જેમ કેમ રમતો નથી.
હાલ કોરોનાને કારણે ક્રિકેટ જગત થંભી ગયું છે
ત્યારે પાકિસ્તાની ક્રિકેટર ઉમર અકમલ પર ત્રણ વર્ષનો પ્રતિબંધ
તમને જણાવી દઈએ કે, 2009માં વિરાટ ભારત માટે વનડે ક્રિકેટમાં પોતાની પકડ મજબૂત કરવાની કોશિશ કરી રહ્યો હતો અને તેને ટેસ્ટ ક્રિકેટમાં તક આપવા અંગે કોઈ વિચારી પણ રહ્યું નહોતું. જ્યારે પાડોશી દેશ પાકિસ્તાનમાં કોહલીથી પણ લગભગ 2 વર્ષ નાનો ખેલાડી ઉમર અકમલ ક્રિકેટમાં ધૂમ મચાવી રહ્યો હતો. તેણે તેના મોટા ભાઈ કામરાન અકમલથી પણ સારી શરૂઆત કરી હતી. ઉમરે ઉમરે ન્યૂઝીલેન્ડ સામે ડુનેડિનમાં પહેલી ટેસ્ટની પહેલી ઈનિંગ્સમાં સદી ફટકારી હતી. જ્યારે સામે શેન બોન્ડ અને ડેનિયલ વિટોરી જેવા દિગ્ગજ ખેલાડી હતા. એ સમયે કોહલી 10 વનડે મેચ પણ રમી નહોતી અને ઉમર અકમલને પાકિસ્તાન ક્રિકેટમાં જાવેદ મિયાંદાદના અનુગામી માનવા લાગ્યા.
અકમલે પ્રથમ 10 ટેસ્ટ ઇનિંગ્સમાં 129, 75, 46, 52, 0, 77, 51, 27, 49 અને પછી 49 ઈનિંગ્સ રમ્યો હતો અને તેની ટેસ્ટ એવરેજ 55.55 પર લઈ ગયો. તે સમયે ટીમ ઈન્ડિયાની અંદર અને બહાર થતાં કોહલીએ માત્ર 15 વનડે મેચ રમી હતી, અને તે ઉમરની સફળતા વિશે સાંભળીને લોકો એવું જ કહેતા કે શું જોરદાર શરૂઆત કરી છે. ઉમરનો જાદુ બધાં ઉપર ચાલવો સ્વાભાવિક હતું, કારણ કે તેણે ટેસ્ટ સિવાય તેણે વનડે ક્રિકેટમાં પણ શરૂઆત કરી હતી અને તેણે ત્રીજી મેચમાં જ હાહાકાર મચાવી દીધો હતો. કોહલીએ પ્રથમ વન-ડે સદી માટે ડઝન મેચ અને 1 વર્ષથી વધુની રાહ જોવી પડી હતી.
જોકે, તેમ છતાં પોતાની જાતને પ્રૂવ કરવા માટે તે સતત મહેનત કરતો રહ્યો. ત્યારે ઉમરને લાગ્યું કે, પાકિસ્તાની બેટિંગ લાઈન અપમાં તેને કોણ પડકાર આપી શકશે. બસ કોહલી અને ઉમરના દ્રષ્ટિકોણમાં આ તફાવત હતો.
આ સમયે ઉમરના કરિયરને લાગ્યું ગ્રહણ
પ્રથમ 10 ઇનિંગ્સની સફળતા પછી આગામી 20 ઇનિંગ્સમાં ઉમર સદી ફટકારવી તો દૂર માંડ અર્ધસદી ફટકારી શક્યો. તે સમયે કોહલી તેની પ્રથમ 12 ટેસ્ટ ઇનિંગ્સમાં માત્ર 2 અર્ધ સદી ફટકારીને સંઘર્ષના સમયમાંથી પસાર થઈ રહ્યો હતો. પરંતુ, તે પછી તેણે ઓસ્ટ્રેલિયાની એડિલેડ ટેસ્ટમાં બે એવી ઇનિંગ્સ રમી, જેના પછી તેણે સાબિત કર્યું કે તે વિશ્વ ક્રિકેટમાં છવાઈ જવા માટે જ આવ્યો છે.
2011માં ઉમર અકમલની કારકિર્દી પર જાણે કે પૂર્ણવિરામ લાગી ગયો અને બીજી તરફ, કોહલી વનડે પછી ટેસ્ટ અને ત્યારબાદ ટી-20 માં ધમાલ મચાવી આગળ વધતો ગયો અને પોતાનો આક્રમક વલણ શાંત પાડતા એક અલગ છબી બનાવવાની શરૂઆત કરી હતી. બીજી બાજુ, અકમલ કોઈક રીતે પોતાની જાતને વનડે અને ટી 20 ટીમોમાં આગળ વધ્યો. આ સમય દરમિયાન તે પોતાના ખરાબ વલણને કારણે સતત હેડલાઇન્સમાં રહ્યો હતો. આજે અકમલ ઉપર 3 વર્ષ માટે પ્રતિબંધ છે, કોહલીને આજે વિશ્વનો નંબર 1 બેટ્સમેન માનવામાં આવે છે.
અકમલની કહાની શીખ આપે છે કે, જીવનમાં હમેશાં એક શાનદાર શરૂઆત સક્સેસફુલ કરિયરની ગેરંટી આપતી નથી અને કોહલીના કરિયરની શરૂઆત જોઈને એ શીખ મળે છે કે, ભલે શરૂઆતમાં તમે કામયાબ ન પણ થાઓ, પરંતુ પોતાના પર વિશ્વાસ રાખીને યોગ્ય માર્ગ પર ચાલતા અને ધીરજ રાખીને તમે પણ કોહલી બની શકો છો.