જીવન સંઘર્ષ / એક સમયે મેગી ખાઈને પેટ ભરતા, આજે કરોડોના માલિક છે પંડ્યા બ્રધર્સ, કાર કલેક્શન તો જોતાં રહી જશો  

• હાર્દિક અને કૃણાલ પંડ્યાની ક્રિકેટ સફર ઘણી સંઘર્ષપૂર્ણ 
• પુત્રોને ક્રિકેટર બનાવવા માટે ધંધો બંધ કરીને વડોદરા શિફ્ટ થયા હતા હિમાંશુ પંડ્યા
• હવે હાર્દિક-કુણાલની શાનદાર લાઈફ, લક્ઝરી વાહનો-મોંઘી ઘડિયાળોનો શોખ 

ભારતીય ટીમના સ્ટાર ઓલરાઉન્ડર હાર્દિક પંડ્યાએ પાકિસ્તાન સામેની મેચમાં ઓલરાઉન્ડ પ્રદર્શન કરીને ભારતની જીતમાં મહત્વની ભૂમિકા ભજવી હતી. હાર્દિકે પ્રથમ બોલિંગમાં તાકાત બતાવીને કુલ ત્રણ વિકેટ ઝડપી હતી. ત્યારબાદ બેટથી 40 રનની ઇનિંગ રમી હતી. પાકિસ્તાન સામેની જીત બાદ હાર્દિક ભાવુક થઈ ગયો હતો અને તેણે પોતાના દિવંગત પિતાને યાદ કર્યા હતા.

હાર્દિક પંડ્યા અને તેના ભાઈ કૃણાલ પંડ્યાની ક્રિકેટ સફર ઘણી સંઘર્ષપૂર્ણ રહી છે અને ભારત માટે રમવા સુધીની તેમની સફર સરળ રહી નથી.  બંનેનું બાળપણ ગરીબીમાં વીત્યું. હાર્દિક-કૃણાલના પિતા હિમાંશુ પંડ્યા ક્રિકેટના ખૂબ જ શોખીન હતા અને પુત્રોને ક્રિકેટર બનાવવા માટે 'કાર ફાયનાન્સ'નો ધંધો બંધ કરીને વડોદરા શિફ્ટ થયા હતા.  હિમાંશુ પંડ્યા જ્યારે વડોદરામાં શિફ્ટ થયા ત્યારે તે સમયે હાર્દિક પંડ્યા 5 વર્ષનો હતો અને કૃણાલ લગભગ 7 વર્ષનો હતો. 

 

 

 

 

View this post on Instagram

 

 

 

 

 

 

 

 

 

 

 

A post shared by Hardik Himanshu Pandya (@hardikpandya93)

હિમાંશુ પંડ્યા ઇચ્છતા હતા કે, તેના પુત્રો ક્રિકેટની સારી તાલીમ મેળવે તેથી તેમણે બંનેને વડોદરાની 'કિરણ મોર ક્રિકેટ એકેડમી'માં જોઈન કરાવાય. કોઈપણ રીતે હાર્દિક પંડ્યા અભ્યાસમાં સારો નહોતો અને ધોરણ 9માં નાપાસ થયો હતો. પૂર્વ ક્રિકેટર કિરણ મોરેએ લગભગ ત્રણ વર્ષ સુધી તેમની એકેડમીમાં બંનેને ફ્રી ટ્રેનિંગ આપી. આર્થિક સ્થિતિ નબળી હોવાના કારણે પંડ્યા પરિવાર ભાડાના મકાનમાં રહેતો હતો. 

એક ઈન્ટરવ્યુમાં વાત કરતા હાર્દિક પંડ્યાએ આ વાત કહી હતી. ઘરમાં પૈસા ન હોવાને કારણે તે સમયે બંને મેગી ખાતા હતા. આટલું જ નહીં બંને ક્રિકેટ કીટનો ઉપયોગ અન્ય લોકો પાસેથી માંગણી કરીને કરતા હતા. તેમજ શરૂઆતના દિવસોમાં બંને ભાઈઓ 400-500 રૂપિયા કમાવવા માટે નજીકના ગામમાં ક્રિકેટ રમતા હતા, જ્યાં બંનેને લગભગ પાંચસો રૂપિયા મળતા હતા.

નોંધનીય છે કે, વર્ષ 2010માં હાર્દિકના પિતાને એક જ રાતમાં બે હાર્ટ એટેક આવ્યા હતા. ત્યારપછી તબિયત બગડવાના કારણે તેણે નોકરી છોડવી પડી હતી. આ પછી ઘરની સ્થિતિ વધુ ખરાબ થઈ ગઈ. પરંતુ ધીરે ધીરે સમય વળાંક લેવા લાગ્યો અને બંને ભાઈઓ ક્રિકેટ જગતમાં નામ કમાવા લાગ્યા. IPLએ હાર્દિક-કૃણાલની કિસ્મત બદલવામાં ઘણી મદદ કરી અને બંને હવે કરોડોના માલિક છે.

શું કહ્યું હાર્દિક પંડયાએ ? 

હાર્દિકે કહ્યું હતું કે, 'મને હજુ પણ રોયલ ચેલેન્જર્સ બેંગ્લોર (RCB) સામેની મારી પહેલી ઇનિંગ યાદ છે. હું વિચિત્ર પરિસ્થિતિમાં બેટિંગ કરવા આવ્યો હતો. બે ઓવર બાકી હતી. તે મેચમાં ડેવિડ વિઝે એક ઓવરમાં ત્રણ વિકેટ લીધી હતી. હું ઉતાવળે ભજ્જી પાજી પાસે ગયો જેણે માત્ર એક વાત કહી હતી કે,  તારી જિંદગી જીવઈ લે અને મેં બે સિક્સર ફટકારી.

હાર્દિક-કુણાલની શાનદાર લાઈફ 

હાર્દિક અને કૃણાલ હવે તેમની શાનદાર લાઈફ માટે હેડલાઈન્સમાં છે. હાર્દિકને ખાસ કરીને લક્ઝરી વાહનો સિવાય મોંઘી ઘડિયાળોનો શોખ છે. હાર્દિક પાસે પાટેક ફિલિપ નોટિલસ ઘડિયાળ છે જેની કિંમત 1.65 કરોડ રૂપિયા છે. કારની વાત કરીએ તો, પંડ્યા બ્રધર્સ લેમ્બોર્ગિની હુરાકન ઇવો, રેન્જ રોવર વોગ, મર્સિડીઝ જી63 એએમજી જેવા વાહનો ધરાવે છે.