પહેલા ગુજરાત અને હવે હિમાચલ પ્રદેશમાં પણ વડાપ્રધાન નરેન્દ્ર મોદીએ પ્રોટોકોલ તોડી ઍમ્બ્યુલન્સ માટે કાફલો રોકાવ્યો
હિમાચલ પ્રદેશમાં વડાપ્રધાન મોદીનો વધુ એક વિડીયો વાયરલ
એમ્બ્યુલન્સને જગ્યા આપવા માટે પીએમ મોદીએ તેમના કાફલો રોક્યો
અગાઉ ગુજરાતમાં પણ PM મોદીએ ઍમ્બ્યુલન્સ માટે કાફલો રોકાવ્યો હતો
વડાપ્રધાન નરેન્દ્ર મોદી હિમાચલ પ્રદેશની મુલાકાતે છે. પીએમ મોદીનો કાફલો રોડ પરથી પસાર થઈ રહ્યો હતો. આ દરમિયાન એમ્બ્યુલન્સને જગ્યા આપવા માટે પીએમ મોદીએ તેમના કાફલાને રોક્યા હોવાનું જોવા મળ્યું હતું. પીએમનો આ વીડિયો સોશિયલ મીડિયા પર વાયરલ થઈ રહ્યો છે. વીડિયોમાં જોઈ શકાય છે કે, પીએમ મોદીનો કાફલો રોકાયો છે અને ત્યાંથી એમ્બ્યુલન્સ પસાર થઈ રહી છે.
પીએમ મોદી હિમાચલના હમીરપુરમાં રેલીમાં જઈ રહ્યા હતા. દરમિયાન રસ્તામાં એક એમ્બ્યુલન્સ આવી. પીએમે પ્રોટોકોલ તોડીને તેમના કાફલાને રોક્યા અને એમ્બ્યુલન્સને જવા માટે જગ્યા આપી. ઘણા લોકો તેનો આ વીડિયો સોશિયલ મીડિયા પર શેર કરી રહ્યા છે.
#WATCH | Prime Minister Narendra Modi stopped his convoy to let an Ambulance pass in Chambi, Himachal Pradesh pic.twitter.com/xn3OGnAOMT
નોંધનીય છે કે, પીએમ મોદીની આ સંવેદનશીલતા ગયા મહિને ગુજરાતમાં પણ જોવા મળી હતી. જ્યારે પીએમને અમદાવાદથી ગાંધીનગર જતા રસ્તે એમ્બ્યુલન્સ દેખાઈ ત્યારે તેમણે તરત જ તેમનો કાફલો રોક્યો હતો. તે સમયે પણ પીએમનો વીડિયો સોશિયલ મીડિયા પર ખૂબ શેર કરવામાં આવ્યો હતો.
મોદીએ કોંગ્રેસ પર કર્યા પ્રહાર
વડાપ્રધાન નરેન્દ્ર મોદીએ બુધવારે હિમાચલ પ્રદેશના ચંબીમાં જનસભાને સંબોધતા કોંગ્રેસ પર પ્રહારો કર્યા હતા. પીએમએ કહ્યું કે હવે કોંગ્રેસની સરકાર માત્ર બે રાજ્યો રાજસ્થાન અને છત્તીસગઢમાં રહી ગઈ છે. પરંતુ અહીંથી ક્યારેય વિકાસના સમાચાર નથી આવતા, માત્ર પરસ્પર ઝઘડાના અહેવાલો આવે છે. PMએ હિમાચલમાંથી તીર વડે અનેક નિશાનો માર્યા. એવું માનવામાં આવે છે કે તેમણે અશોક ગેહલોત અને સચિન પાયલટ પર પણ કટાક્ષ કર્યો હતો, જેઓ હાલમાં ગુજરાત અને હિમાચલની ચૂંટણીમાં વ્યસ્ત છે.