ગોળીબાર / અમેરિકામાં ફરી એકવાર ફાયરિંગ, ઓહાયોમાં 4 લોકોના મોત બાદ પોલીસ તપાસ શરૂ 

• અમેરિકામાં ફરી એકવાર ગોળીબારની ઘટના
• ઓહાયોમાં ફાયરિંગમાં 4 લોકોના મોત
• ફાયરિંગ કરનાર ઈસમ કારમાં ફરાર, પોલીસ તપાસ શરૂ 

અમેરિકામાં ફરી એકવાર ગોળીબારની ઘટના સામે આવી છે. વિગતો મુજબ અમેરિકાના ઓહાયોમાં ગોળીબારમાં ચાર લોકોના મોત થયા છે. જેને લઈ સુરક્ષા અધિકારીઓ એવા વ્યક્તિને શોધી રહ્યા છે જેની પાસે હથિયાર છે. મોન્ટગોમેરી કાઉન્ટીના બટલર ટાઉનશીપમાં પોલીસે જણાવ્યું હતું કે, ગોળીબારની ઘટના બાદ અધિકારીઓને વિસ્તારમાં બોલાવવામાં આવ્યા હતા. ચીફ જ્હોન પોર્ટરે જણાવ્યું હતું કે, ચાર પીડિતોના મૃતદેહ મળી આવ્યા છે. પોલીસે જણાવ્યું હતું કે,  તેઓ સ્ટીફન માર્લો (39) નામના વ્યક્તિને શોધી રહ્યા છે, જે એસયુવીમાં ભાગી ગયો હતો. 

અમેરિકાના ઓહાયોમાં ગોળીબારમાં ચાર લોકોના મોત થયા છે. મોન્ટગોમરી કાઉન્ટી કોરોનરની ઓફિસે શનિવારે પીડિતોની ઓળખ ક્લાઈડ નોક્સ (82), ઈવા નોક્સ (78), સારાહ એન્ડરસન (41) અને 15 વર્ષની છોકરી તરીકે કરી હતી. પોર્ટરે કહ્યું કે, તે તરત જ સ્પષ્ટ નથી થયું કે, ગોળીબારનું કારણ શું હતું. પોર્ટરે જણાવ્યું હતું કે, શુક્રવાર બપોર પહેલા પોલીસને ગોળીબારની ઘટનાની માહિતી મળી હતી. આ પછી પોલીસ ટીમ ઘટનાસ્થળે પહોંચી અને ચાર લોકોના મૃતદેહ બહાર કાઢ્યા, જે આ ફાયરિંગમાં ઘટનાસ્થળે જ મૃત્યુ પામ્યા હતા. 

પોર્ટરે કહ્યું, "આ વિસ્તારમાં આ પહેલો હિંસક અપરાધ છે, અમે તપાસ કરી રહ્યા છીએ કે, શું આ ગોળીબારની ઘટના પાછળ કોઈ હેતુ હતો કે, પછી કોઈ માનસિક બિમારીને કારણે આ ઘટનાને અંજામ આપવામાં આવ્યો હતો. પોર્ટરે કહ્યું કે, જો લોકોને આરોપી માર્લોના ઠેકાણા વિશે ખબર પડે તો તેમણે તરત જ પોલીસને જાણ કરવી જોઈએ. બટલર ટાઉનશીપ એ 8,000 રહેવાસીઓનું નગર છે જે ડેટોનથી લગભગ 9 માઇલ ઉત્તરે આવેલું છે. આરોપી માર્લોની શારીરિક વિગતો વિશે વાત કરતા પોર્ટરે કહ્યું કે, તેની ઉંચાઈ 5 ફૂટ 11 ઈંચ છે, તેનું વજન લગભગ 160 પાઉન્ડ હશે અને વાળનો રંગ બ્રાઉન છે. સત્તાવાળાઓ માને છે કે, 39 વર્ષીય માર્લોએ શોર્ટ્સ અને પીળી ટી-શર્ટ પહેરેલી હતી અને 2007ની સફેદ ફોર્ડ એજ સાથે ભાગી ગયો હતો.