બોલિવૂડના લોકપ્રિય ફેશન ડીઝાઈનર મનીષ મલ્હોત્રા આજે વિશ્વભરમાં પ્રખ્યાત છે. અને આજે તેમણે ડીઝાઈન કરેલા કપડા લાખોમાં વેચાય છે. જો કે મનીષ મલ્હોત્રાએ આ સ્થાન પર પહોચવા માટે ખુબ જ મહેનત કરી છે. અને પોતાને સાબિત કર્યા છે.
મનીષ મલ્હોત્રા બોલીવૂડ સેલિબ્રેટીના કપડા ડીઝાઈન કરે છે
ફેશન ડીઝાઈન ઇન્નાડસ્ટ્રીના ગુરુ પણ કહેવાય છે
બાળપણથી ફેશન પ્રત્યે સમજ હતી
બોલિવૂડના જાણીતા ફેશન ડીઝાઇનર મનીષ મલ્હોત્રા માત્ર બોલિવૂડમાં જ જાણીતાં નથી પરંતુ વિશ્વભરમાં તેમનું નામ લોકપ્રિય છે. ફેશન શો હોય કે રેમ્પ વોક, એવોર્ડ સેરેમની હોય કે બર્થ ડે પાર્ટી અથવા કોઈ મોટી ઇવેન્ટ અને સેલિબ્રેટઝના ઘરે લગ્ન હોય ત્યારે ત્યાં એક વસ્તુ કોમન જોવા મળે છે અને તે મનીષ મલ્હોત્રા દ્વારા ડીઝાઈન કરવામાં આવેલા કપડા... જો કે મનીષ મલ્હોત્રાએ આ સ્થાન પર પહોચવા માટે ખુબ જ મહેનત કરી છે. અને પોતાને સાબિત કર્યા છે.
એક ન્યુઝ વેબસાઈટને મનીષ મલ્હોત્રાએ ઈંટરવ્યુ દરમિયાન જણાવ્યું હતું કે હું એક પંજાબી પરિવારમાંથી આવું છું અને નાનપણથી જ મારે જે કરવું હતું તેના માટે મારા માતા પિતાએ મને ખુબ સપોર્ટ કર્યો હતો. બોલિવૂડ પ્રત્યે મને બાળપણથી જ પ્રેમ હતો અને કોઈ નવી ફિલ્મ રીલીઝ થઈ હોય એટલે હું તેમને અચૂક જોતો.
મનીષ જ્યારે છઠા ધોરણમાં અભ્યાસ કરતા ત્યારે તેમને ચિત્રકામમાં ખુબ જ રસ હતો અને ત્યારબાદ તેમણે ચિત્રકામના ક્લાસ જોઈન કર્યા હતા. મનીષ જણાવે છે કે તે મમ્મીને સાડીઓ પસંદ કરવામાં પણ મદદ કરતા અને જેમના કારણે ફેશન ડીઝાઈન પ્રત્યે તેમને આકર્ષણ થયું તેમજ નાની ઉંમરમાં જ તેમને ફેશન પ્રત્યેની સમજ આપમેળે આવતી ગઈ.
ફેશનની દુનિયા સાથે પહેલો સબંધ કોલેજ સમયે બંધાયો હતો. તે કોલેજ દરમિયાન મોડેલિંગ પણ કરતા હતા અને સાથે સાથે તેમણે એક બુટીકમાં કામ કરવાનું શરુ કર્યું અને જ્યાં તે ડીઝાઈનિંગનું કામ શીખ્યું અને તેમને ત્યારે 500 રૂપિયા પગાર ચુકવવામાં આવતો હતો.
પોતાની મહેનત અને ફેશન સેન્સને કારણે વધુ સારું બનવા માટે મનીષ મલ્હોત્રાએ કોઈ કસર બાકી રાખી નથી અને અંતે તેમની મહેનત રંગ લાવી. માત્ર 25 વર્ષની ઉંમરે તેમને બોવ મોટો બ્રેક મળ્યો. અને જુહી ચાવલાની એક ફિલ્મમાં ડીઝાઇનર તરીકે કામ કર્યું અને આ તેમના જીવન માટે ટર્નીંગ પોઈન્ટ સાબિત થયો. ત્યારબાદ મનીષ મલ્હોત્રાએ ક્યારેય પાછું ફરીને નથી જોયું અને આ ફિલ્મ માટે તેમને બેસ્ટ ડીઝાઈનિંગ માટે ફિલ્મફેર એવોર્ડ મળ્યો હતો.
મનીષ મલ્હોત્રા આજે ભારતના સૌથી મોટા ફેશન ડીઝાઇનર છે
એક સમયે કોસ્ચ્યુમ ડીઝાઈન કરતા મનીષ મલ્હોત્રા આજે ભારતના સૌથી મોટા ફેશન ડીઝાઇનર છે. અને તેમણે જીવનમાં ખુબ જ સંઘર્ષ જોયો છે. તેમણે નાના મોટા કામો કરીને અને 2005માં પોતાનું લેબલ લોન્ચ કર્યું. અને ત્યારબાદ મોટા ભાગની સેલિબ્રેટીઝના કપડા મનીષ જ ડીઝાઈન કરે છે.