જબલપુરમાં એક સરકારી મેડિકલ કોલેજના સ્ટાફની બેદરકારી સામે આવી છે. સરકારી મેડિકલ કોલેજનો એક વીડિયો સામે આવ્યો છે જેમા સ્ટાફ દર્દીને એક્સ રે રૂમ સુધી લઇ જવા માટે બેડશીટનો પ્રયોગ કર્યો અને તેને જમીન પર ખેંચવામાં આવ્યો. આ મામલો જબલપુરના નેતાજી સુભાષ ચંદ્ર બોઝ મેડિકલ કોલેજનો છે.
જબલપુર મેડિકલ કોલેજના ડીન ડૉ. નવનીત સક્સેનાએ કહ્યું કે આ મામલે ત્રણ લોકોને સસ્પેન્ડ કરવામાં આવ્યા છે. ડૉ. સક્સેનાએ કહ્યું કે, 'ત્રણ લોકોને તંત્રે સસ્પેન્ડ કર્યા છે. આ મામલે તપાસ હાલ ચાલુ છે અને દોષિતો સામે કડક કાર્યવાહી કરવામાં આવશે'. આપને જણાવી કે, દેશમાં વિભિન્ન વિસ્તારોથી ડૉક્ટરો અને નર્સોની બેદરકારીના મામલા સામે આવી રહ્યા છે.
#WATCH: Staff at Netaji Subhash Chandra Bose Medical College in Jabalpur takes a patient to X-Ray room by dragging him on a bed sheet. Dean Dr Navneet Saxena says, "3 persons have been suspended. Inquiry underway, action will be taken" #MadhyaPradeshpic.twitter.com/m5LPjyZ2ZP
હાલમાં જ ઓરિસ્સામાં ચાર નર્સોને ટિક-ટૉક એપ્લીકેશન પર વીડિયો પોસ્ટ કરવા મામલે છુટ્ટી પર મોકલાયા હતા. આ વીડિયોને ઓરિસ્સાના મલકાનગિરિ જિલ્લા હોસ્પિટલના વિશેષ નવજાત દેખભાળ કેન્દ્રમાં રેકોર્ડ કરવામાં આવ્યો હતો.