ભારતીય પૂર્વ કેપ્ટન વિરાટ કોહલીએ આજના જ દિવસે 14 વર્ષ પહેલા 18 ઓગસ્ટ 2008એ આંતરરષ્ટ્રીય ક્રિકેટમાં ડેબ્યૂ કર્યું હતું.
વિરાટે ક્રિકેટ કરિયરના 14 વર્ષ કર્યા પૂર્ણ
18 ઓગસ્ટ 2008એ કર્યું હતું ક્રિકેટમાં ડેબ્યૂ
જાણો ક્રિકેટ કરિયરમાં તેની સફર
ભારતીય પૂર્વ કેપ્ટન વિરાટ કોહલીએ આજના દિવસે 14 વર્ષ પહેલા 18 ઓગસ્ટ 2008એ આંતરરાષ્ટ્રીય ક્રિકેટમાં ડેબ્યૂ કર્યું હતું. કોહલીએ પોતાના 14 વર્ષના સફરને યાદ કરતા સોશિયલ મીડિયા પર વીડિયો પોસ્ટ કર્યો છે. આ વીડિયોમાં કોહલીએ અમુક જુની તસ્વીરોનો ઉપયોગ કર્યો છે. જે ફેન્સને જુના દિવસોની યાદ અપાવી રહી છે. આ પોસ્ટની સાથે તેણે લખ્યું "14 વર્ષ પહેલા, આ બધુ શરૂ થયુ અને આ એક સન્માનની વાત છે."
18 ઓગસ્ટ 2008એ વન ડે ક્રિકેટમાં ડેબ્યૂ
વિરાટ કોહલીના આંતરરાષ્ટ્રીય ક્રિકેટ પર એક નજર કરીએ તો, 18 ઓગસ્ટ 2008એ વન ડે ક્રિકેટમાં ડેબ્યૂ કરનાર કોહલીએ પોતાની પહેલી ટી 20 12 જૂન 2010 અને પહેલી ટેસ્ટ 20 જૂન 2011એ રમી હતી. કોહલીનું નામ વન ડે ક્રિકેટમાં 43 સેન્ચુરીની સાથે 12344 રન નોંધાયેલા છે. ત્યાં જ ટી 20 અને ટેસ્ટમાં તેણે ક્રમશઃ 3308 અને 8074 રન કર્યા છે. કોહલીએ ક્રિકેટના સૌથી લાંબા ફોર્મેટમાં 27 સેન્ચુરી મારી છે.
કોહલીએ પોતાનું ઈન્ટરનેશ્નલ ડેબ્યૂ શ્રીલંકા સામે ઓપનર તરીકે કર્યું હતું. પોતાના કરિયર વખતે કિંગ કોહલી, રન મશીન, ચેઝ માસ્ટર અને બીજા પણ કેટલાય નામોથી જાણીતા કોહલી પોતાની પહેલી મેચમાં ફેલ થયો હતો. તે સમયે તે 22 બોલ પર માત્ર 12 રન કરી શક્યો હતો.
આ રીતે શરૂ થઈ કિંગ કોહલી બનવાની સફર
કોહલીને 5 મેચોની આ સીરિઝના બીજા ચાર મુકાબલાઓમાં પણ ઓપનિંગ કરવાનો મોકો મળ્યો અને તેણે ક્રમશઃ 37,25,54 અને 31 રન બનાવ્યા. કોહલીને દર વખતે સારી શરૂઆત મળી પરંતુ તે એક જ વખત 50નો આંકડો પાર કરવામાં સફળ રહ્યો. આ સીરિઝથી કોહલીએ ઘણું બધુ સીખ્યુ અને અહીંથી તેની કિંગ કોહલી બનવાની સફર શરૂ થઈ.
કોહલી હાલમાં સમયમાં વન ડે ક્રિકેટમાં સૌથી વધારે રન બનાવનાર દુનિયાના છઠ્ઠા અને બીજા ભારતીય બોલર છે.