ઉત્તરાખંડ / લગ્નના દિવસે વરરાજાએ જાનમાં કરી એવી 'ગંદી' હરકત ! મિત્રોએ 50 લાખનો દાવો માંડ્યો

• લગ્નના કાર્ડમાં લખેલા સમય પહેલા જાન નીકાળતા મિત્રો ગુસ્સે થયા 
• લગ્નના દિવસે વરરાજાએ મિત્ર સાથે છેતરપિંડી કરી
• મિત્રોએ 50 લાખ રૂપિયાનો દાવો માંડ્યો

 હરિદ્વારના બહાદુરાબાદ વિસ્તારમાં એક અજીબ ઘટના સામે આવી છે. એક વરરાજા પર 50 લાખ રૂપિયાના કાયદાકીય કેસનો સામનો કરવો પડી રહ્યો છે, કારણ કે તેણે તેના લગ્નના દિવસે તેના મિત્રો સાથે છેતરપિંડી કરી હતી. નોંધપાત્ર વાત એ છે કે લગ્નના કાર્ડમાં લખેલા સમય પહેલા વરઘોડો નીકાળતા  તેના મિત્રો ગુસ્સે થયા હતા. પરિણામે, પાછળ રહી ગયેલા મિત્રોને લાગ્યું કે આ તેમની પ્રતિષ્ઠા પર હુમલો છે,  જેથી તેઓએ  વરરાજા સામે 50 લાખ રૂપિયાનો કાનૂની કેસ દાખલ કર્યો.
 

લગ્નના દિવસે વરરાજાએ મિત્ર સાથે છેતરપિંડી કરી

મીડિયા રિપોર્ટ અનુસાર, વરરાજા રવિએ તેના એક મિત્ર ચંદ્રશેખરને તેના વતી લગ્નના કાર્ડ વહેંચવા કહ્યું હતું. કાર્ડ મુજબ સરઘસ 5 વાગ્યે નીકળવાનું હતું. સમયપત્રકને અનુસરીને, ચંદ્રશેખર અને તેના મિત્રો વરરાજાના ઘરે પહોંચ્યા, પરંતુ તે જોઈને નિરાશ થયા કે વરઘોડો પહેલેથી જ નીકળી ગયો છે.
  
મિત્રોએ 50 લાખ રૂપિયાનો દાવો માંડ્યો

અલબત્ત, તેના મિત્રો અપમાનિત અનુભવતા હતા. ઘટનાને ચરમ સીમાએ લઈ જઈને, વરરાજાના મિત્ર ચંદ્રશેખરે એક વકીલની સાથે રાખીને રવિ દ્વારા માનસિક ત્રાસનો આક્ષેપ કર્યો.  બાદ તેઓએ  રવિનેની સામે  રૂપિયા 50 લાખની બદનક્ષીની નોટિસ આપી હતી અને 3 દિવસમાં તેની પાસેથી જાહેરમાં માફી માંગવાની પણ માંગ કરી હતી. વરરાજાને ફોન પર નોટિસ વિશે જાણ કરવામાં આવી હતી. આશ્ચર્ય છે કે તે હવે કેવી પ્રતિક્રિયા આપશે.