બોલીવુડના મહાનાયક અમિતાભ બચ્ચન, આલિયા ભટ્ટ અને રણબીર કપૂર હાલ અયાન મુખર્જી નિર્દેશિત ફિલ્મ બ્રહ્માસ્ત્રના શુટિંગમાં વ્યસ્ત છે. રણબીરના શ્રેણીબદ્ધ ફોટા બાદ શનિવારે બિગ બી એ સોશિયલ મીડિયા પર આલિયા ભટ્ટની પ્રશંશા કરી હતી અને તેણે સેટ પરનો એક સુંદર ફોટો શેર કર્યો હતો.
અમિતાભે આલિયાના ખુબ વખાણ કર્યા
તેણી ખુબ જ સારી રીતે એક્ટિંગ કરે છે - અમિતાભ બચ્ચન
આ અગાઉ બીગ બીએ રણબીરના પણ વખાણ કર્યા હતા
બોલીવુડના ખ્યાતનામ અમિતાભ બચ્ચન અને રણબીર કપૂર તેમની આગામી ફિલ્મ બ્રહ્માસ્ત્રના છેલ્લા પગલાનું શૂટિંગ કરી રહ્યા છે. તેઓ આલિયા ભટ્ટ સાથે સાથે સેટ પર જોડાયા છે અને લાગે છે કે ત્રણેય મસ્તી કરી રહ્યા છે. રણબીરના શ્રેણીબદ્ધ ફોટા બાદ શનિવારે બિગ બી એ સોશિયલ મીડિયા પર આલિયા ભટ્ટની પ્રશંશા કરી હતી અને તેણે સેટ પરનો એક સુંદર ફોટો શેર કર્યો હતો.
જેમાં અમિતાભ બચ્ચન આલિયા ભટ્ટને ગળે મળી રહ્યા છે. અને ફોટો શેર કર્યો તે કેપ્શનમાં અમિતાભ બચ્ચને લખ્યું કે, " તેણી ખુબ જ સારી રીતે એક્ટિંગ કરે છે અને તેમાંથી જલ્દી બહાર પણ આવી જાય છે, આલિયા સુપર ટેલેન્ટેડ અને જોશથી ભરપુર છે.
"અમિતાભ, રણબીર અને આલિયા આશરે 170 દિવસથી અયાન મુખર્જી નિર્દેશક બ્રહ્માસ્ત્રનું શૂટિંગ કરી રહ્યા છે. તેઓએ બલ્ગેરિયા, લંડન, મુંબઇ, વારાણસી, સિમલા અને અન્ય શહેરોમાં શૂટ કર્યું છે. થોડા દિવસો પહેલા જ બિગ બીએ કેટલીક ખાસ યાદોને શેર કરી હતી જે તેણે રણબીર કપૂર સાથે ઇન્સ્ટાગ્રામ પર શેર કરી હતી અને રણબીર કપૂરના ભરપુર વખાણ કર્યા હતા. જણાવી દઈએ કે ફિલ્મ બ્રહ્માસ્ત્ર 4 ડીસેમ્બર ૨૦૨૦ના રોજ રીલીઝ થશે. અને ત્યારબાદ ક્યુટ કપલ રણબીર અને આલિયા લગ્ન કરવા જઈ રહ્યા છે.