ભાવ વધારો / બજેટના બીજા જ દિવસે સોના-ચાંદીના ભાવમાં જોરદાર તેજી, ચાંદી 71000 પાર, જાણો લેટેસ્ટ કિંમત

• સોના-ચાંદીના ભાવમાં જોરદાર તેજી 
• 58,560 રૂપિયે પહોંચ્યું સોનું 
• ચાંદીના ભાવમાં 1528 રૂપિયાનો ઉછાળો 

નવા નાણાકીય વર્ષનું બજેટ રજૂ થવાના બીજા દિવસે સોનું અને ચાંદીના ભાવમાં જબરદસ્ત તેજી આવી છે. વાયદા બજારમાં ગુરૂવારે ગોલ્ડ અને સિલ્વર બન્નેમાં જ જબરદસ્ત તેજી જોવા મળી રહી છે. તેને જોતા શરાફા બજારમાં તેજીની સંભાવનાઓ દર્શાવવામાં આવી રહી છે. બુધવારે સેશનમાં આ 57,885 રૂપિયાના સ્તર પર બંધ થયું હતું. 

ચાંદીમાં 1528 રૂપિયા પ્રતિ કિલોનો ઉછાળ 
ગુરૂવારે સવારે લગભગ 11 વાગ્યે મલ્ટી-કમોડિટી એક્સચેન્જ પર સોનું 675 રૂપિયાની તેજી સાથે 58,560 રૂપિયાના સ્તર પર જોવા મળ્યું હતું. ચાંદીમાં પણ આ દિવસે જબરદસ્ત તેજી જોવા મળી અને તે 1528 રૂપિયા ચઢીને 71,369 રૂપિયાના સ્તર પર ટ્રેડ કરી રહ્યું છે.

બુધવારના સેશનમાં સોનું 57885 રૂપિયા પ્રતિ 10 ગ્રામ અને ચાંદી 69,841 રૂપિયા પ્રતિ કિલો પર બંધ થઈ હતી. જાણકારોનું કહેવું છે આવનાર સમયમાં સોનું અને ચાંદીની કિંમતમાં વધારે તેજીની સંભાવના છે. 

શરાફા બજારની અપડેટ 
આ પહેલા બુધવારે સેશનમાં શરાફા બજારમાં સોનું અને ચાંદી બંન્નેની કિંમતમાં તેજી જોવા મળી હતી. ઈન્ડિયા બુલિયન્સ એસોશિએશનની તરફથી બુધવારે સાંજના સમયે 24 કરેટ ગોલ્ડ 57,910 રૂપિયા પ્રતિ 10 ગ્રામ પર અને ચાંદી 69,445 રૂપિયા પ્રતિ કિલો પર બંધ થયું. 

આ રીતે 23 કેરેટ વાળા સોનાનો રેટ 57,678 રૂપિયા પ્રતિ 10 ગ્રામ, 22 કેરેટ 53,046 રૂપિયા પ્રતિ 10 ગ્રામ અને 18 કેરેટ 43,433 રૂપિયા પ્રતિ 10 ગ્રામ પર પહોંચી ગયું છે.