મહેસાણામાં એકજ દિવસમાં બે તરછોડાયેલા બાળકો મળી આવ્યા છે. જેમા એક 5 વર્ષનુું બાળક અને એક 2 વર્ષની બાળકી મળી આવી છે. જેથી સમગ્ર મામલે પોલીસે અજાણી વ્યક્તિ સામે ફરિયાદ નોંધીને કાયદેસરની કાર્યવાહી હાથ ધરી છે.
મહેસાણામાં એકજ દિવસમાં બે તરછોડાયેલા બાળક મળ્યા
કુકરવાડા ગામમાં 5 વર્ષના બાળકને તરછોડી દેવાયું
ઉનાવા મીરા દાતરમાં 2 વર્ષની તરછોડાયેલી બાળકી મળી
રાજ્યમાં બાળકોને તરછોડી દેવાના બનાવો હવે વધી રહ્યા છે. ત્યારે વધુમાં ફરી મહેસાણા જિલ્લામાં આજે બે એવા બનવા સામે આવ્યા છે કે જેના કારણે લોકોમાં રોષનો માહોલ ફેલાયો છે. સાથેજ આ બનાવોને લઈને ચકચાર મચી જવા પામી છે. કારણકે અહીયા એકજ દિવસમાં બે નવજાત બાળકોને તરછોડી દેવાના બનાવ સામે આવ્યા છે.
5 વર્ષનું બાળક તરછોડાયેલું મળ્યું
પહેલો બનાવ સામે આવ્યો છે કુકરવાડા ગામમાં જ્યા 5 વર્ષના બાળકને તરછોડી દેવામાં આવ્યું હતું. સ્થાનિકોની નજર બાળક પર પડી ત્યારે તેમણે પોલીસને જાણ કરી અને પોલીસે આ મામલે કાયદેસરની કાર્યવાહી હાથ ધરી છે. જોકે 5 વર્ષના બાળકને તરછોડી દેવા મામલે તેના માતા સામે લોકોમાં રોષ ફેલાયો છે.
2 વર્ષની બાળકી તરછોડાયેલી મળી
બીજો બનાવ સામે આવ્યો છે ઉનાવા મીરા દાતરમાં જ્યા એક 2 વર્ષની તરછોડાયેલા બાળકી મલી આવી છે. જ્યારે સ્થાનિકોની બાળક પર નજર પડી ત્યારે તેમણે પણ તુરંત પોલીસને જાણ કરી હતી. જેથી પોલીસે આ મામલે કાયદેસરની કાર્યવાહી હાથ ધરી છે. જોકે અહીયા પણ 2 વર્ષની બાળકની તરછોડી દેવાને લઈને લોકોમાં રોષનો માહોલ જોવા મળ્યો છે.
અજાણી વ્યક્તિ સામે પોલીસે ગુનો નોંધ્યો
ઉલ્લેખનીય છે કે આ બંને કેસમાં પોલીસને ફરિયાદ મળતા પોલીસે કાયદેસરની કાર્યવાહી હાથ ધરી છે. જેમા બંને ઘટનામાં અજાણ્યા વ્યક્તિ સામે પોલીસે ફરિયાદ નોંધી છે. જોકે બાળકોને તરછોડવાની ઘટનાઓ રાજ્યમાં દિવસેને દિવસેને વધી રહી છે. તેમા પણ ખાસ કરીને નવજાત બાળકને તરછોડવાના બનાવો રાજ્યમાં હવે વધી રહ્યા છે. જે સમાજ માટે એક ચિંતાનો વિષય બન્યો છે.