On the other hand thief..' I will fall into the canal by writing your name..' Demanding 1.50 crores against 17 lakhs, the usurer gave an implied threat.
કલોલ /
ઉલટા ચોર..' હું કેનાલમાં પડી જઈશ તારું નામ લખીને..' 17 લાખની સામે 1.50 કરોડની માંગણી કરી વ્યાજખોરે આપી ગર્ભિત ધમકી
Team VTV08:32 PM, 19 Feb 23
| Updated: 08:36 PM, 19 Feb 23
વ્યાજે પૈસા લીધા બાદ વ્યાજખોરો દ્વારા ઊંચા વ્યાજની માંગણી કરતા પીડીતે વ્યાજખોરો વિરૂદ્ધ પોલીસ મથકે ફરિયાદ નોંધાવી હતી. જે બાદ સમગ્ર મામલો પોલીસ મથકે પહોચ્યો હતો.
પીડીત દ્વારા વ્યાજખોરો પાસેથી નાણાં લીધા બાદ વ્યાજખોરોની મનમાની
વ્યાજખોરોએ પીડીતને આપી ધમકીઓ
જો પૈસા નહી આપે તો ધાબેથી કૂદીને આપઘાત કરી લઈશઃવ્યાજખોર
કલોલ તાલુકા પંચાયતમાં સિનિયર ક્લાર્ક તરીકે ફરજ બજાવતા એક વ્યક્તિ દ્વારા ઊંચા વ્યાજે પૈસા લીધા બાદ પીડીતે વ્યાજખોરોની ઉઘરાણીથી કંટાળી પૈસા લેનાર વ્યક્તિ દ્વારા વ્યાજખોરો સામે પોલીસ મથકે ફરિયાદ પણ નોંધાવી છે. જેમાં રાજુ રબારી વ્યાજ સહિત 35 લાખ, રસિક પરમાર પાસેથી વ્યાજ સહિત 75 લાખ તેમજ વિશાલ નાગાણી પાસેથી વ્યાજ સહિત 45 લાખ રૂપિયા મળી કુલ રૂ. 1.5 કરોડની રકમની વ્યાજખોરોએ માંગણી કરતી પૈસા લેનાર વ્યક્તિએ વ્યાજખોરો વિરૂદ્ધ ફરિયાદ નોંધાવી હતી.
પીડીત પાસે વ્યાજખોરોએ વધુ વ્યાજની માંગણી કરી હતી
પીડીતે જણાવ્યુ મુજબ રાજુ રબારી પાસેથી 4 લાખ, રસિક પરમાર પાસેથી 10 લાખ તેમજ વિશાલ નાગાણી પાસેથી સવા બે લાખ રૂપિયા પીડીતે લીધા હતા. પરંતું તેઓએ રકમ આપ્યા બાદ વધુ વ્યાજની માંગણી કરી હતી. જેમાં રાજુ રબારી ફોન પર પીડીતને અવાર નવાર ધમકી આપતા પીડીતે વ્યાજખોરોનાં ફોન ઉપાડવાનું બંધ કર્યું હતું. હું તારૂ નામ લખીને કેનાલમાં પડી જઈશઃવ્યાજખોર
બીજા વ્યાજખોર રસિક પરમારે તો પીડીતને 17-2-2023 નાં રોજ ફોન કરી વ્યાજ સહિત 75 લાખની માંગણી કરી હતી. અને ફોન પર પીડીતને કહ્યું હતું કે મને મારા પૈસા આપી દે નહીતર હું તારૂ નામ લખીને કેનાલમાં પડી જઈશ. જેથી પીડીતે રસિકનાં પણ ફોન ઉપાડવાનું બંધ કરતા રસિક કે કહ્યું કે ઓફિસે રૂબરૂ આવી હું ધાબા પરથી કૂદકો મારીના આત્મહત્યા કરી લઈશ. આવું કહેતા પીડીત ગભરાઈ જવા પામ્યો હતો.