મિત્રને શ્રદ્ધાંજલિ / જીગરજાન મિત્રના અકસ્માતે મોત બાદ આઘાતમાં સરી પડ્યો મિત્ર, બનાવી વિશાળ પ્રતિમા, બાંધ્યો ફ્રેન્ડશીપ બેલ્ટ

• મિત્ર હોય તો આવો..
• 22 વર્ષ પહેલા છૂટ્યો મિત્રનો સાથ
• આજે પણ મિત્રની યાદમાં રડે છે આંખો

આંખોની નદીને વહેતી રોકી શકે એવો એક બંધ એટલે ભાઈબંધ...!' મિત્ર, સખી-સખા, ફ્રેન્ડઝ, ભાઈબંધ, ભેરૂ. આ સબંધ દરેક વ્યક્તિના જીવનનો અભિન્ન અંગ છે. મિત્રતા લોહીના સબંધથી નહીં પરંતુ આત્માના અતૂટ નાતાથી જોડાય છે. ઓગસ્ટ મહિનાના પ્રથમ રવિવારને ફ્રેન્ડશીપ ડે તરીકે ઉજવાય છે. અને આ દિવસે ફ્રેન્ડશીપ બેલ્ટ બાંધીને મિત્ર અન્ય મિત્રને ગિફ્ટ આપે છે.. પણ આજે અમે તમને એક એવા મિત્રને બતાવવા જઈ રહ્યા છીએ. જેની આંખો છેલ્લા 22 વર્ષથી પોતાના મિત્રને યાદ કરીને રડી રહી છે.

મિત્રની યાદ આવતા બનાવી પ્રતિમા
મિત્રતાનો સંબંધ સૌથી મોટ સંબંધ છે.. સુખ હોય કે દુઃખ મિત્ર હંમેશા સાથે જ ઉભો હોય છે. મિત્રતાના કિસ્સા તો તમે અનેક સાંભળ્યા હશે..આ છે ચંદુભાઈ મકવાણા. જે જેતપુરમાં કન્સ્ટ્રક્શનના બિઝનેસ સાથે જોડાયેલા છે.અને તેમની સામે રહેલી આ પ્રતિમા છે. તેમના પરમ મિત્ર વિશાલ વિરેન્દ્રભાઈ જોગરાણાની. ફ્રેન્ડશીપ ડેના દિવસે ચંદુભાઈની આંખોમાં આંસુ છે. જે પોતાના મિત્ર વિશાલને યાદ કરી રહ્યા છે.

મિત્રના નામે છે તમામ ધંધા, સંસ્થા
વિશાલ જોગરાણા 26 માર્ચ 2000ની સાલમાં ભાવનગર નજીક એક માર્ગ અકસ્માતમાં મૃત્યુ પામ્યા હતા. જીગરજાન મિત્ર વિશાલનું મૃત્યુ થયું ત્યારથી ચંદુભાઈ હર ઘડી ગુમસુમ રહતા હતા. મિત્રને ભૂલાવી ન શકતા ચંદુભાઈએ મિત્રની સ્મૃતિ કાયમી જાળવી રાખવા માટે ચંદુભાઈએ શિલ્પી દ્વારા વિશાલની પ્રતિમા બનાવી અને દર વર્ષે ફ્રેન્ડશીપ ડેના દિવસે ચંદુભાઈ આ પ્રતિમાને બેલ્ટ બાંધે છે. અને જન્મદિવસની ઉજવણી પણ કરે છે. ત્યારે તેમની મિત્રતાની સ્થાનિક લોકો પણ ભરપૂર પ્રશંસા કરી રહ્યા છે. 

ફ્રેન્ડશીપ ડેના દિવસે મિત્રને શ્રદ્ધાંજલિ
સામાન્ય રીતે વતન માટે શહીદ થયેલા જવાનોની પ્રતિમા જોવા મળતી હોય છે. પણ અહીં એક મિત્રએ પોતાના મિત્રની પ્રતિમા બનાવીને મિત્ર પ્રત્યેનો પ્રેમ વ્યક્ત કર્યો છે.. અને ચંદુભાઈની આ અનોખી મિત્રતાની શ્રદ્ધાંજલીથી ચોક્કસ મૃતક મિત્રનો આત્મા પણ તૃપ્ત થયો હશે.