કાયદાનો પાઠ / અમદાવાદ રિવરફ્રન્ટ પર પાર્કિંગ મુદ્દે ગુજરાત હાઈકોર્ટે કહ્યું, આવો કોઈ નિયમ જ નથી

• સાબરમતી રિવરફ્રન્ટ પર વાહન પાર્કિંગ પર HCનો નિર્ણય
• રિવરફ્રંટ પર વાહન પાર્કિંગ મુદ્દે કર્યુ અવલોકન
• 'નો પાર્કિંગ'ના નામે પોલીસ વાહન જપ્ત કરી શકે નહીં: HC

ગુજરાત હાઈકોર્ટ દ્વારા અમદાવાદ સાબરમતી રિવરફ્રન્ટ પર વાહન પાર્કિંગ અંગે મોટો નિર્ણય કરાયો છે. રિવરફ્રન્ટ પર  વાહન પાર્કિંગ મુદ્દે ગુજરાત હાઇકોર્ટે  કહ્યું કે, રિવરફ્રન્ટ પર નો પાર્કિંગનો નિયમ જ નથી. 'નો પાર્કિંગ'ના નામે ટ્રાફિક પોલીસ વાહનને ટોલ કરી શકે નહીં. નો પાર્કિંગના નામે દંડ પણ વસૂલી શકશે નહીં. જો કે, હાઈકોર્ટના આ નિર્ણયને કોર્પોરેશને પણ સ્વીકાર કર્યો છે. મહત્વનું છે કે, વિશ્વ પ્રખ્યાત અમદાવાદના સાબરમતી રિવરફ્રન્ટ પર પાર્કિંગની કોઈ વ્યવસ્થા જ નથી. લોકો ખુલ્લા મેદાનમાં જેમ-તેમ પાર્કિંગ કરી રહ્યા છે. આ કારણે અનેક વખત પોલીસ ગાડીઓને ટો પણ કરી દે છે. 

મહત્વનું છે કે, ચાલુ દિવસો સિવાય શનિ-રવિમાં અમદાવાદ રિવરફ્રન્ટ લોકો માટે ફરવાનું સ્થળ છે. અને મોટી સંખ્યામાં લોકોના વાહનોની ભીડ જોવા મળે છે. તો રવિવારે રિવરફ્રન્ટ નજીક ગુજરી પણ ભરાય છે. આ કારણે પણ લોકોની ભીડ હોય છે. તેમાં સૌથી મોટો સવાલ પાર્કિંગને લઈ છે. વર્ષ 2002માં સાબરમતીના કિનારે એલિસબ્રિજ સાથે ઉસ્માનપુરામાં બે એવા પ્લોટને પાર્કિંગ માટે અપાયા હતા. પરંતુ તેનું સંપાદન કરવાના બદલે છોડી દીધી હતા. હવે લોકો તો આવી રહ્યા છે. પરંતુ પાર્કિંગ માટે કોઈ મોટી વ્યવસ્થા છે નહીં. 

ગુજરાતમાં ફાયર મુદ્દે હાઈકોર્ટમાં કરવું પડશે સોગંદનામું

ગુજરાત હાઈકોર્ટમાં આજે અનેક મુદ્દે સુનાવણી ચાલી હતી. જેમાં ગુજરાતમાં ફાયર સેફટી એકટ મુદ્દે  હાઈકોર્ટે મહત્વપૂર્ણ આદેશ આપ્યો છે. રાજ્ય સરકાર, અલગ-અલગ કોર્પોરેશન તેમજ નગરપાલિકાઓને આદેશ કરાયો છે. જે એકમોમાં ફાયર સેફ્ટી NOC ન હોય તેની વિગતો સોગંદનામા પર રજૂ કરવા આદેશ કરી દેવાયા છે. જે અંગે વધુ સુનાવણી 11 જૂનના રોજ હાથ ધરાશે. તો ફાયરસેફ્ટી NOC વગરના એકમો સામે કાર્યવાહી કરવા તંત્રએ કોર્ટને બાહેંધરી આપી છે. 

ક્યારે ગુજરાત હાઈકોર્ટ ફિઝિકલ કોર્ટ શરૂ?

ગુજરાત હાઇકોર્ટ ઓનલાઇન રાબેતા મુજબ શરુ થશે. ફિઝિકલ કોર્ટ શરુ કરવા અંગે કોઈ નિર્ણય કરવામાં આવ્યો નથી. કોરોનાના કેસો વધતા જાહેરહિતની અરજી પર સુનાવણી થઇ હતી. હાઇકોર્ટમાં તમામ સુનાવણી ઓનલાઇન 7 જૂનથી રાબેતા મુજબ શરુ થશે.