હનીમૂન પર પત્નીને ખબર પડે કે તેનો પતિ તો નપુંસક છે ત્યારે તેની શું હાલત થાય તેનો એક કિસ્સો મધ્યપ્રદેશના ઈન્દોરમાંથી સામે આવ્યો છે.
મધ્યપ્રદેશના ઈન્દોરની ઘટના
કપલ ગયું હનીમૂન પર
ત્યારે પત્નીને ખબર પડી
પતિ તો નપુસક છે
પત્નીએ પતિ સામે કરી પોલીસ ફરિયાદ
લગ્ન બાદ હનીમૂન પર પહોંચેલી એક પત્નીને તેના પતિના એક એવા રાઝની ખબર પડી કે જે જાણીને તેના પગ નીચેથી જમીન સરકી ગઈ. હનીમૂન પર એક મહિલાને તેના પતિ વિશે કંઈક એવી ખબર પડી કે તેને આઘાત લાગ્યો. મહિલાએ આરોપ લગાવ્યો હતો કે તેના પતિને ઘણી ગંભીર બીમારીઓ છે, જેની જાણ લગ્ન પહેલા કરવામાં આવી ન હતી. એટલું જ નહીં આશ્ચર્યજનક વાત ત્યારે સામે આવી જ્યારે મહિલાએ જણાવ્યું કે તેનો પતિ પણ નપુંસક છે, તેને હનીમૂન પર આ વાતની જાણ થઇ હતી. ત્યાર બાદ હોબાળો મચી ગયો હતો.
પહેલી રાતે પતિ પત્ની સાથે શારીરિક સંબંધો ન બાંધી શક્યો
મધ્યપ્રદેશના ઈન્દોરનું એક કપલ લગ્ન બાદ હનીમૂન મનાવવા ચાલ્યું ગયું હતું પરંતુ ત્યાં પહેલી રાતે પતિ પત્ની સાથે શારીરિક સંબંધો બાંધી શક્યો નહોતો. પત્નીના વારંવારના દબાણની વચ્ચે પણ તે સાચી વાત કહેતો નથી. આખરે કંટાળીને તેને પોલીસની ધમકી આપી ત્યારે પતિએ જે ખુલાસો કર્યો તે સાંભળીને પતિને ચક્કર આવી ગયા હતા.
પતિએ પત્નીને કહ્યું- હું નપુંસક છું
પતિએ તેની પત્નીએ કહ્યું તે નપુંસક છે અને તેથી તેની સાથે સહવાસ માણી શકશે નહીં, આ સાંભળીને પત્નીને ચક્કર આવી ગયા હતા. અને તે પતિને લઈને તત્કાળ ઘેર આવી હતી. અને માતાપિતાને કહીને પતિ સાથે છેતરપિંડી અને દહેજની ફરિયાદ લખાવી હતી. નવપરણીત યુવતીએ પોતાના પતિ અને સાસરિયાઓ વિરુદ્ધ દહેજ ઉત્પીડનનો કેસ દાખલ કરાવ્યો છે. પીડિતાનો આરોપ છે કે તેનો પતિ નપુંસક છે. તેને ગંભીર બીમારીઓ છે, તેણે પોતાની બીમારીઓ છુપાવીને લગ્ન કર્યા છે. હનીમૂન પર પણ મને ખબર પડી કે તે નપુંસક છે. તેણે એવો પણ આરોપ લગાવ્યો હતો કે લગ્ન પહેલા જ મારા પરિવારના સભ્યો પાસેથી પાંચ લાખ બળજબરીથી એકત્રિત કરવામાં આવ્યા હતા.
પીડિતાએ પતિ સામે નોંધાવી છેતરપિંડીની ફરિયાદ
પીડિતાએ પોલીસને એમ પણ જણાવ્યું કે, લગ્ન બાદ તે મુંબઈમાં પોતાના સાસરીના ઘરે પહોંચી હતી અને લગભગ એક અઠવાડિયા સુધી ત્યાં જ રહી હતી. આ પછી, જ્યારે તે હનીમૂન પર ગઈ, ત્યારે તેને ખબર પડી કે પતિ નપુંસક છે. જ્યારે પીડિતાએ આ વાત સાસરીવાળાને જણાવી તો તેની સાથે મારપીટ કરવામાં આવી અને પીડિતાને પણ ઘરની બહાર કાઢી મૂકવામાં આવી. આ પછી કંટાળીને તે પોલીસ સ્ટેશન પહોંચી હતી. પીડિતાએ તેના પતિ અને સાસરિયાવાળાની સામે ફરિયાદ નોંધાવી છે.