સપ્તાહના પ્રથમ ટ્રેડિંગ દિવસે શેરબજારો મોટા ઘટાડા સાથે બંધ થયા છે. આજે સવારે જ્યારે માર્કેટ ખૂલ્યું ત્યારે સેન્સેક્સ લગભગ 419.69 પોઇન્ટ લપસીને 59,226.46 ના સ્તરે ટ્રેડ કરી રહ્યો હતો
સપ્તાહના પ્રથમ ટ્રેડિંગ દિવસે શેરબજાર મોટા ઘટાડા સાથે બંધ
મુંબઈ સ્ટોક એક્સચેન્જનો સેન્સેક્સ 872 પોઈન્ટ ઘટીને 58,773 પર પહોંચ્યો
નિફ્ટી 267.75 પોઈન્ટ ઘટીને 17,490 પોઈન્ટ પર પહોંચ્યો
શ્રાવણના છેલ્લા સોમવારે ભારતીય શેરબજારમાં ઘટાડો જોવા મળ્યો હતો. જે બાદમાં હવે સપ્તાહના પ્રથમ ટ્રેડિંગ દિવસે શેરબજારો મોટા ઘટાડા સાથે બંધ થયા છે. આજે સવારે જ્યારે માર્કેટ ખૂલ્યું ત્યારે સેન્સેક્સ લગભગ 419.69 પોઇન્ટ લપસીને 59,226.46 ના સ્તરે ટ્રેડ કરી રહ્યો હતો. બીજી તરફ નિફ્ટી 140.6 પોઈન્ટ ઘટીને 17,617.85ના સ્તર પર કારોબાર કરી રહ્યો હતો. જોકે હાલમાં આજના કારોબારના અંતે મુંબઈ સ્ટોક એક્સચેન્જનો સેન્સેક્સ 872 પોઈન્ટ ઘટીને 58,773 પર અને નેશનલ સ્ટોક એક્સચેન્જનો નિફ્ટી 267.75 પોઈન્ટ ઘટીને 17,490 પોઈન્ટ પર પહોંચ્યો હતો.
નવા સપ્તાહનો પ્રથમ ટ્રેડિંગ દિવસ ભારતીય શેરબજાર માટે ઘણો નિરાશાજનક રહ્યો છે. એશિયન બજારોમાં ઘટાડાને કારણે શેરબજાર ઘટાડા સાથે ખુલ્યું હતું. તાજેતરની તેજી પછી, રોકાણકારો બજારમાં સતત બીજા ટ્રેડિંગ સેશનમાં જંગી નફો બુક કરતા જોવા મળ્યા હતા. સેન્સેક્સ હવે 59,000 ની નીચે સરકી ગયો છે.
Sensex tanks 872.28 points to end at 58,773.87; Nifty declines 267.75 points to 17,490.70
આજે શ્રાવણમાસના છેલ્લા સોમવારે માર્કેટમાં તમામ સેક્ટરના શેરમાં ઘટાડો નોંધાયો હતો. આઈટી, બેન્કિંગ, ઓટો, ફાર્મા, એફએમસીજી, એનર્જી, મેટલ્સ, કન્ઝ્યુમર ડ્યુરેબલ્સ, ઓઈલ એન્ડ ગેસ ઉપરાંત મીડિયા સેક્ટરના શેરમાં ભારે વેચવાલી જોવા મળી હતી. મિડકેપ અને સ્મોલ કેપ શેરોમાં પણ ભારે નફાના માર્જિન નોંધાયા છે. નિફ્ટીના 50 શેરોમાંથી માત્ર 5 શેર જ લીલા નિશાનમાં બંધ થયા હતા, જ્યારે 45 શેરમાં ઘટાડો જોવા મળ્યો હતો. તો સેન્સેક્સના 30 શેરોમાંથી માત્ર એક શેર લીલા નિશાનમાં બંધ થયો છે જ્યારે 29 લાલ નિશાનમાં બંધ થયો છે. બેન્ક નિફ્ટીના તમામ 12 શેર લાલ નિશાનમાં બંધ થયા છે.