મેચ પહેલા મજા / VIDEO : પાકિસ્તાની ચાહકે માગી જાદૂની ઝપ્પી, રોહિતે 'ખાસ અંદાજ'માં પૂરી કરી ઈચ્છા, વીડિયો વાયરલ

• આવતીકાલે ભારત અને પાકિસ્તાન વચ્ચે મેચ 
• મેચ પહેલા ભારતીય ક્રિકેટરોનો અનોખો અંદાજ
• દુબઈમાં પાકિસ્તાની ચાહકે રોહિત શર્મા પાસે માગી જાદૂની ઝપ્પી
• રોહિત લોખંડની જાળી સામે મોં રાખીને ચાહકની ઈચ્છા કરી પૂરી 

આવતીકાલે દુબઈમાં ભારત અને પાકિસ્તાન વચ્ચે કાંટાની ટક્કર છે. બન્ને દેશના ચાહકો પણ ખુશીમાં છે અને મેચ નિહાળવા માટે દુબઈ ઉમટી પડ્યાં છે આ દરમિયાન ભારતીય ક્રિકેટરો મોકળા મને પાકિસ્તાની ચાહકોને મળી રહ્યાં છે. કેપ્ટન રોહિત શર્માનો આવો જ એક વીડિયો વાયરલ થયો છે જેમાં પાકિસ્તાનના એક ચાહકે રોહિત શર્મા પાસે જાદૂની ઝપ્પી માગી તો રોહિતે ખુશી ખુશીથી તેની માગ પૂરી કરી હતી. 

Pakistani fans asking Indian Captain Rohit Sharma for a hug 🫂#AsiaCup2022 #PAKvIND #INDvsPAK pic.twitter.com/ZQxTMz0jdh

— Khan saab 🇵🇰 (@HaniiSays) August 27, 2022

રોહિત શર્માએ પાકિસ્તાની ચાહકની માગ પૂરી 
કેપ્ટન રોહિત શર્મા ટ્રેનિંગ બાદ પેવેલિયન પરત ફરી રહ્યો હતો, ત્યારે જાળી પાછળ રહેલા પાકિસ્તાની ફેન્સ તેને મળવામાં અને વાત કરવામાં મોડા પડ્યા હતા. આ ફેન્સમાં એક ફેને રોહિત શર્માને ગળે મળવાની આજીજી શરૂ કરી દીધી હતી. ફેન્સની આ સ્ટાઈલની શરૂઆતમાં રોહિતે કહ્યું હતું કે, "અહીંથી કેવી રીતે ગળે મળવું." અને પછી તેમણે જાળીની પાછળથી "ખાસ રીતે" આ ચાહકોને જાદુઈ આલિંગન આપીને આ ચાહકોની ઇચ્છા પૂરી કરી. પોતાની ઈચ્છા પૂરી થતા ચાહક ખુશીથી ઉછળી પડ્યો હતો. 

પ્રેક્ટિસ દરમિયાન રોહિત શર્મા અને બાબર આઝમ વચ્ચે મુલાકાત
પાકિસ્તાની ટીમના કેપ્ટન બાબર આઝમ અને ભારતીય ટીમના કેપ્ટન રોહિત શર્મા એકબીજા સાથે વાતો કરતા જોવા મળ્યા. તેમની આ મુલાકાતનો વિડીયો પાકિસ્તાની ક્રિકેટ બોર્ડે પોતાના ઓફિશિયલ ટ્વિટર અકાઉન્ટ પર શેર કર્યો છે. 

Nice gesture by Rohit Sharma by hugging a Pakistani fan though divided by Iron Wall.#RohitSharma #INDvsPAK#PAKvIND #INDvPAKpic.twitter.com/GKxJ2IxE3m

— Square Leg (@Cricket_Is_Here) August 27, 2022

પાકિસ્તાની લોકો રોહિતના ફેન 
ભારતીય ટીમના કેપ્ટન રોહિત શર્માએ ફરી એક વખત દરેક લોકોનું દિલ જીતી લીધું છે. હાલ તેની એક વિડીયો સોશ્યલ મીડિયા પર ખૂબ ઝડપથી વાયરલ થઈ રહ્યો છે. આ વીડિયોમાં પ્રેક્ટિસ પછી પાકિસ્તાની ફેન્સે રોહિતને મળવા માટે અવાજ લગાવી હતી  એ પછી તુરંત જ ભારતીય ટીમના કેપ્ટન રોહિત તેને મળવા મેદાનની બહાર પહોંચી જાય છે. રોહિત શર્મા તેના ચાહકો સાથે હાથ મિલાવે છે અને એવામાં એક ફેન તેને ગળે લગાવવાનો આગ્રહ કરતો હતો પણ એ શક્ય નહતું લાગતું પણ આ પછી રોહિતે તે ફેનની ઈચ્છા પૂરી કરી હતી.