SBI બેંક તેના ગ્રાહકો માટે સમયાંતરે વિવિધ પ્રકારની ઓફર્સ લાવતી રહે છે. પરંતુ SBI દ્વારા તેના ગ્રાહકોને 6,000 રૂપિયા આપવાની કોઈ યોજના શરૂ કરવામાં આવી છે કે નહીં અને તેના પાછળની હકીકત શું છે આવો જાણીએ...
SBI પોતાના ગ્રાહકો માટે લવતી રહે છે ઓફર્સ
SBI ગ્રાહકોને 6000 રૂપિયા આપતી હોવાની ખબર
જાણો શું છે આ વાયરલ મેસેજની હકીકત
સ્ટેટ બેંક ઓફ ઈન્ડિયા દેશની સૌથી મોટી બેંક છે અને તેની સ્થાપનાને 67 વર્ષ થઈ ગયા છે. આવી સ્થિતિમાં શું તમને SBIના 67માં સ્થાપના દિવસ પર 6,000 રૂપિયા મળવાનો મેસેજ મળ્યો છે? ઘણા લોકોને આ મેસેજ મોકલવામાં આવી રહ્યો છે કે SBI તેના સ્થાપના દિવસના અવસર પર તેના કરોડો ખાતાધારકોને 6,000 રૂપિયા આપી રહી છે. જો તમને પણ આ મેસેજ મળ્યો છે તો તમારે પણ સાવધાન થઈ જવું જોઈએ. આ મેસેજ સંપૂર્ણપણે ફેક છે.
SBIએ ટ્વીટ કરી આપી જાણકારી
SBI તેના કસ્ટમર્સ માટે સમયાંતરે વિવિધ પ્રકારની ઓફર્સ લઈને આવે છે. પરંતુ SBI દ્વારા તેના ગ્રાહકોને 6,000 રૂપિયા આપવાની કોઈ યોજના શરૂ કરવામાં આવી નથી. આ સ્કીમ સંપૂર્ણપણે ફેક છે.
આ મામલે પોતાનો પક્ષ મુકતા SBIએ તેના સત્તાવાર ટ્વિટર હેન્ડલ પર ટ્વીટ કરીને માહિતી આપી છે કે ઘણા સાયબર અપરાધીઓએ તેમના ખાતામાં પૈસા ટ્રાન્સફર કરવાના નામે ગ્રાહકો સાથે છેતરપિંડી કરી છે. સબસિડી, ફ્રી ઑફર્સ, ફ્રી ગિફ્ટ વગેરેનો શિકાર બનાવ્યો છે. ઘણી વખત લોકો ઓફરનો લાભ લેવા માટે તેમની બેંક વિગતો, અંગત માહિતી શેર કરીને ઠગની જાળમાં ફસાઈ જાય છે.
6,000 રૂપિયાના નામે છેતરપિંડી
સોશિયલ મીડિયા પર દાવો કરવામાં આવી રહ્યો છે કે SBIની 67મી વર્ષગાંઠ પર બેંક લોકોના ખાતામાં 6,000 રૂપિયા ટ્રાન્સફર કરવા જઈ રહી છે. આમાં ગ્રાહકોને 3 થી 4 પ્રશ્નો પૂછવામાં આવે છે અને તે પછી તેમને પૈસા મોકલવાની શુભકામનાઓ આપવામાં આવે છે.
આ પછી, ઠગ લોકો તેમની ખાનગી માહિતી જેમ કે નામ, સરનામું, આધાર નંબર અને બેંક ખાતા નંબર, ક્રેડિટ કાર્ડ, ડેબિટ કાર્ડ વગેરે જેવી બેંકિંગ વિગતો માંગીને તેમના ખાતામાંથી તમામ પૈસા ઉપાડી લે છે.
છેતરપિંડીનો શિકાર થવા પર અહીં કરો ફરિયાદ
આ પહેલા SBIએ પણ પોતાના ગ્રાહકોને પાન કાર્ડના નામે થતી છેતરપિંડી અંગે ચેતવણી આપી છે. આ સાથે કહેવામાં આવ્યું હતું કે બેંક કોઈપણ પ્રકારની લિંક મોકલીને તેના પર PAN વિગતો અપડેટ કરવાનું કહેતી નથી.
આ સાથે બેંકે એ પણ કહ્યું છે કે જો કોઈ વ્યક્તિ સાયબર ક્રાઈમનો શિકાર બને છે, તો આવી સ્થિતિમાં 1930 નંબર પર અથવા ઈમેલ [email protected] દ્વારા આ જ ફરિયાદ સાઈબર ક્રાઈમ સેલને કરી શકે છે.