તૈયારીઓ / PM મોદીના 71મા જન્મદિવસ પર જોરદાર તૈયારી, ગુજરાતના 7100 ગામડામાં કરાશે આ કામ

• PM મોદીના 71માં જન્મદિવસની તૈયારી શરૂ
• ગુજરાતના ગામડાઓમાં થશે અનોખી ઊજવણી
• 17 સપટેમ્બરના છે વડાપ્રધાનનો બર્થ-ડે

17 સપટેમ્બરના પ્રધાનમંત્રી નરેન્દ્ર મોદીનો જન્મદિવસ છે. આ દિવસને ખાસ બનાવવા માટે ગુજરાતમાં ભારતીય જનતા પાર્ટી (BJP) એક અનોખો કાર્યક્રમ કરવાની તૈયારીમાં છે. ગુજરાત BJPના પ્રદેશ અધ્યક્ષ સી.આર.પાટીલે એક પ્રેસ કોન્ફરન્સમાં જણાવ્યું કે PM મોદીના જન્મદિવસે ગુજરાતના 7100 ગામડાઓમાં 'રામધૂન કાર્યક્રમ' યોજવામાં આવશે.

જેના અંતર્ગત સાંજના 7 વાગ્યે આ ગામડાઓમાં રામધૂનનો સાદ ગુંજશે. વધુમાં તેમણે જણાવ્યું કે દરેક કાર્યકર્તાએ દરેક બૂથ પર ઓછામાં ઓછા 50 લોકોના ફોનમાં NAMO APP ડાઉનલોડ કરવાની રહેશે. આ સાથે જ 10 લોકોએ પ્રધાનમંત્રી વીમા સુરક્ષા યોજનાથી જોડાવા માટે પણ કહેવામાં આવ્યું છે.

સી.આર.પાટીલે જણાવ્યું કે 9 ઑક્ટોબરના દિવસે જ નરેન્દ્ર મોદી પહેલીવાર ગુજરાતના મુખ્યમંત્રી બન્યા હતાં અને 9 ઑક્ટોબરે તેના 20 વર્ષ પૂર્ણ થશે.

17 સપ્ટેમ્બરે છે 71મો જન્મદિવસ
પ્રધાનમંત્રી મોદીનો જન્મ 17 સપ્ટેમ્બર 1950ના રોજ ગુજરાતના એક નાનકડા શહેર વડનગરમાં થયો હતો. મોદી દેશના પહેલા એવા પ્રધાનમંત્રી છે કે જેમનો જન્મ આઝાદી પછી થયો હતો. નરેન્દ્ર મોદીએ 1972માં  RSS સાથે જોડાઇને પોતાના રાજનૈતિક કરિયરની શરૂઆત કરી હતી. 1987માં મોદી BJP સાથે જોડાયા અને 1995માં પાર્ટીના અધ્યક્ષ બન્યા.

1998માં તેઓ રાષ્ટ્રીય મહાસચીવ પણ બન્યા. નરેન્દ્ર મોદી 3 વાર ગુજરાતના મુખ્યમંત્રી રહી ચૂક્યા છે. 2001માં તે પહેલીવાર ગુજરાતના CM બન્યા અને 2013માં ભાજપે તેમનું નામ પ્રધાનમંત્રી પદના ઉમ્મેદવાર તરીકે જાહેર કર્યું. જેની ચૂંટણીમાં ભાજપે 282 સીટો પર વિજય હાંસીલ કર્યો અને નરેન્દ્ર મોદી દેશના પ્રધાનમંત્રી બન્યા. ત્યારબાદ 2019ની ચૂંટણીમાં ભાજપે 300 સીટોથી વિજય મેળવ્યો.