કિંગ કોહલી પાસે કુલ કેટલી સંપતિ છે આજે અમે તેના વિશે તમને જણાવવા જઈ રહ્યા છીએ.
કોહલીની ગણના વિશ્વના મહાન ક્રિકેટરોમાં થાય છે
ક્રિકેટની સાથે સાથે તે ઘણી કંપનીઓના બ્રાન્ડ એમ્બેસેડર છે કોહલી
BCCI પાસેથી મળે છે કરોડો રૂપિયા
ભારતીય ક્રિકેટ ટીમના ગૌરવ ગણાતા વિરાટ કોહલી આજે પોતાનો 34મો જન્મદિવસ ઉજવી રહ્યા છે. જણાવી દઈએ કે કિંગ કોહલીનો જન્મ 5 નવેમ્બર 1988ના રોજ થયો હતો. આપણે બધા જાણીએ છીએ કે કોહલીની ગણના વિશ્વના મહાન ક્રિકેટરોમાં થાય છે. તેની બેટિંગના કારણે તે 'કિંગ કોહલી' અને 'રન મશીન' જેવા નામોથી ઓળખાય છે. કોહલીએ ખૂબ જ ઓછા સમયમાં ખુદને ક્રિકેટના મહાન બેટ્સમેનોમાં પોતાને સ્થાન અપાવ્યું છે. ક્રિકેટના મેદાન પર જ્યારે જ્યારે ટીમ ઈન્ડિયાના પૂર્વ કેપ્ટન વિરાટ કોહલી પોતાના બેટથી રન વરસાવે છે ત્યારે ત્યારે તે કમાણીના મામલે પણ આગળ છે. જણાવી દઈએ કે ક્રિકેટની સાથે સાથે તે ઘણી કંપનીઓના બ્રાન્ડ એમ્બેસેડર છે અને તેમણે ઘણી કંપનીઓમાં રોકાણ પણ કર્યું છે. આ સાથે જ સોશિયલ મીડિયા દ્વારા પણ ઘણી કમાણી કરે છે.
કિંગ કોહલી પાસે કુલ કેટલી સંપતિ છે આજે અમે તેના વિશે તમને જણાવવા જઈ રહ્યા છીએ.
127 મિલિયન ડોલરની સંપતિના માલિક
ટીમ ઈન્ડિયાના પૂર્વ કેપ્ટન વિરાટ કોહલી વિશ્વના સૌથી અમીર ક્રિકેટરોમાંથી એક છે. એક મીડિયા રિપોર્ટ અનુસાર કોહલીની કુલ નેટવર્થ લગભગ127 મિલિયન ડોલર એટલે કે લગભગ રૂ. 1046 કરોડ છે. જણાવી દઈએ કે વિરાટની વાર્ષિક સરેરાશ કમાણી લગભગ 15 કરોડ રૂપિયા છે. એટલે કે એ મુજબ એક મહિનામાં કોહલી લગભગ 1,25,00,000 રૂપિયાની કમાણી કરે છે. એ મુજબ કોહલી એક અઠવાડિયામાં 28,84,615 રૂપિયા અને એક દિવસમાં લગભગ 5,76,923 રૂપિયા કમાય છે.
BCCI પાસેથી મળે છે કરોડો રૂપિયા
વિરાટ કોહલીની વિશ્વના સૌથી શાનદાર બેટ્સમેનો માંથી એક છે અને ભારતીય ક્રિકેટ ટીમના કેપ્ટન હોવા છતાં પણ એમને ઘણા રેકોર્ડ પોતાના નામે કર્યા છે. જણાવી દઈએ કે વિરાટ કોહલી ભારતીય ક્રિકેટ ટીમના ગ્રેડ A કરારમાં સામેલ છે અને આ કારણે તેઓ કરોડોની કમાણી કરે છે. આ સાથે જ દર વર્ષે કોહલી IPL દ્વારા પણ મોટી કમાણી કરે છે. એક રિપોર્ટ અનુસાર BCCIના A+ કોન્ટ્રાક્ટ દ્વારા તેમને વાર્ષિક 7 કરોડ મળે છે. અને એમની મેચ ફી વિશે વાત કરીએ તો કોહલીને તેની રમતના ફોર્મેટ અનુસાર મેચ ફી આપવામાં આવે છે.
આ જગ્યા પરથી પણ કરે છે કરોડોની કમાણી
કિંગ કોહલી તેની સ્ટાઈલ અને ફિટનેશને લઈને ઘણા ચર્ચામાં રહે છે અને સોશિયલ મીડિયા પર પ્રખ્યાત કંપનીઓના બ્રાન્ડ એમ્બેસેડર તરીકે પણ ઘણી કમાણી કરે છે. આ સિવાય વિરાટ કોહલીએ ઘણી કંપનીઓમાં રોકાણ પણ કર્યું છે અને તેને તેમાંથી સારું વળતર મળતું રહે છે. આ સિવાય તેની કમાણીનો મોટો હિસ્સો એન્ડોર્સમેન્ટમાંથી પણ આવે છે.
વિરાટ માન્યવર, એમપીએલ, પેપ્સી, ફિલિપ્સ, ફાસ્ટ્રેક, બૂસ્ટ, ઓડી, એમઆરએફ, હીરો, વોલ્વોલિન, પુમા જેવી બ્રાન્ડની જાહેરાતો માટે પણ તેઓ ઘણા પૈસા લે છે અને એમના રોકાણની વાત કરીએ તો કોહલીએ Blue Tribe, Chisel Fitness, Nueva, Galactus Funware Technology Pvt. Ltd, Sport Convo અને Digit જએવી કંપનીના શેરમાં રોકાણ કર્યું છે. આ સિવાય ભારતના પૂર્વ કેપ્ટન વિરાટ કોહલીએ તાજેતરમાં દિવંગત ગાયક કિશોર કુમારનો બંગલો ભાડે લીધો હતો જેમાં તે એક શાનદાર રેસ્ટોરન્ટ ખોલવા જઈ રહ્યા છે અને કોહલીની આ રેસ્ટોરન્ટનું નામ 'One8 Commune' છે.
Insta રીચ લિસ્ટમાં પણ ટોપ પર
જણાવી દઈએ કે કિંગ કોહલીના સોશ્યલ મીડિયા પર 220 મિલિયન ફોલોઅર્સ છે અને તે ઇન્સ્ટાગ્રામ પર સૌથી પ્રખ્યાત સેલિબ્રિટીની યાદીમાં સામેલ છે. રિપોર્ટ્સ અનુસાર વિરાટ લિયોનેલ મેસ્સી અને ક્રિસ્ટિયાનો રોનાલ્ડો પછી ઇન્સ્ટા પર સૌથી વધુ ફોલો કરવામાં આવતી સ્પોર્ટ્સ સેલિબ્રિટીઝની યાદીમાં ત્રીજા નંબર પર આવે છે. આ મુજબ કોહલી તેની એક ઈન્સ્ટાગ્રામ પોસ્ટ માટે લગભગ 8.9 કરોડ રૂપિયા ચાર્જ કરે છે.
એકથી એક લક્ઝરી કારના માલિક
ક્રિકેટ સિવાય વિરાટ કોહલીને કારનો પણ ખૂબ જ શોખ છે અને કોહલીના કાર કલેક્શનમાં ઘણી લક્ઝરી કાર શામેલ છે. રિપોર્ટ્સ અનુસાર વિરાટ કોહલી પાસે લગભગ 6 લક્ઝરી કાર છે અને કલેક્શન વિશે વાત કરીએ તો કોહલી પાસે Audi Q7, Audi RS5, Audi R8 LMX , Audi A8L W12 Quattro, Land Rover Vogue સામેલ છે.