ક્રિકેટ / માસ્ટર બ્લાસ્ટર સચિન તેંડૂલકર માટે ક્રિકેટ કરિયરને લઇને વિશેષ છે આજનો દિવસ...

• 16 વર્ષ 205 દિવસના એક છોકરાએ કરાચીમાં ટેસ્ટ ડેબ્યૂ કર્યું હતું
• કોઈએ વિચાર્યું પણ નહીં હોય કે પછી તે 'ક્રિકેટનો ભગવાન' બની જશે
• સચિને કુલ 200 ટેસ્ટ મેચ રમી

15 નવેમ્બરથી સચિનની ક્રિકેટ જર્ની શરૂ થાય છે અને આજે તેણે વિશ્વ ક્રિકેટમાં પોતાની અમિટ છાપ છોડી છે. એક પછી એક સફળતા પ્રાપ્ત કરીને સચિને કુલ 200 ટેસ્ટ મેચ રમી. સચિને 24 વર્ષની કારકિર્દી દરમિયાન, ટેસ્ટ ક્રિકેટમાં 53.78 સરેરાશથી 15921 રન બનાવ્યા હતા. આ દરમિયાન તેણે 51 ટેસ્ટ સદી અને 68 અર્ધસદી ફટકારી હતી.

સચિને જણાવ્યું ટેસ્ટ ક્રિકેટમાં રોમાંચ ઓછું થવાનું કારણ

પ્રથમ ટેસ્ટ મેચમાં સચિનને છઠ્ઠા નંબર પર બેટિંગ માટે મોકલવામાં આવ્યો હતો. એ સમયે કૃષ્ણમાચારી શ્રીકાંત ભારતના કેપ્ટન હતા. પ્રથમ ઇનિંગ્સમાં પાકિસ્તાને 409 રન બનાવીને ભારત પર પ્રેશર વધારી દીધું હતું અને એક સમયે ભારતીય ટીમે 41ના સ્કોર પર 4 વિકેટ ગુમાવી દીધી હતી. પછી મનોજ પ્રભાકરની વિકેટ બાદ સચિનનો વારો આવ્યો.

#OnThisDay in 1989, Sachin Tendulkar and Waqar Younis made their international debuts as teenagers.

The rest, as they say, is history 🙌 pic.twitter.com/o419M8n0cA

— ICC (@ICC) November 15, 2019

સચિને 24 બોલમાં બે ચોગ્ગાની મદદથી 15 રન બનાવ્યા હતા. તેમજ મો. અઝહરુદ્દીન સાથે મળીને 32 રન બનાવ્યા હતા. સાથે જ, સચિનને ​​બોલ્ડ કરનારો પાકિસ્તાની ફાસ્ટ બોલર પણ પહેલી ટેસ્ટ મેચ રમી રહ્યો હતો. તે બોલર વકાર યુનુસ હતો. ભારતે પ્રથમ દાવમાં 262 રન બનાવ્યા હતા. રસપ્રદ વાત એ છે કે સચિન અને વકાર સિવાય શાહિદ સઈદ (પાક) અને સલીલ અંકોલાએ પણ કરાચી ટેસ્ટમાં ડેબ્યૂ કર્યું હતું. આ સઈદ અને અંકોલાની આ પહેલી અને છેલ્લી ટેસ્ટ મેચ સાબિત થઈ હતી. 

પાકિસ્તાને તેની બીજી ઇનિંગ 305/5ના સ્કોરે જાહેર કરી હતી. ભારતને 453 રનનો લક્ષ્યાંક મળ્યો હતો. ભારતીય બેટ્સમેને સારું પ્રદર્શન આપી (303/3)ની મેચ ડ્રો કરાવી લીધી હતી, જોકે સચિનને ​​બીજી ઇનિંગમાં બેટિંગ કરવાની તક મળી નહીં. 100મી ટેસ્ટ મેચ રમી રહેલાં કપિલદેવે તે ટેસ્ટમાં 7 વિકેટ લીધી હતી (અર્ધસદી પણ) અને તે મેન ઓફ ધ મેચ બન્યા હતા.

સચિને 24 વર્ષ પછી લીધી નિવૃત્તિ

આ એક યોગાનુયોગ માનવામાં આવશે કે 2013માં સચિને 15 નવેમ્બરના રોજ ટેસ્ટ ક્રિકેટની છેલ્લી ઇનિંગ્સ રમી હતી. સચિન વેસ્ટ ઇન્ડીઝ સામે 14 નવેમ્બરથી શરૂ થયેલ મુંબઈ ટેસ્ટના બીજા દિવસે (15 નવેમ્બર) 74 રન બનાવીને પરત ફર્યો હતો. આ સાથે સચિને 24 વર્ષ અને 1 દિવસની યાત્રા બાદ નિવૃત્તિ લીધી હતી.