અઠવાડિયાના પહેલા દિવસે શેરબજારમાં ઉછાળો જોવા મળ્યો છે. બોમ્બે સ્ટોક એક્સચેન્જ (BSE)ના મુખ્ય ઇન્ડેક્સ સેન્સેક્સ 150.62 અંક એટલે કે 0.38 ટકાના વધારા સાથે 40,315.65ને પાર ખૂલ્યું તો નેશનલ સ્ટોક એક્સચેન્જ (NSE)એટલે કે નિફ્ટી 53.20 અંક એટલે કે 0.45 ટકાના વધારા સાથે 11,943.80ને પાર જોવા મળ્યું છે.
આવી રહી મુખ્ય કંપનીની સ્થિતિ
મોટા શેરોની વાત કરીએ તો સોમવારે ઈન્ફ્રાટેલ, ટાટા સ્ટીલ, વેદાંત લિમિટેડ, જેએસડબ્લ્યુ સ્ટીલ, ભારતી એરટેલ, ગ્રાસીમ, ગેઇલ અને બજાજ ફિન્સવર્સના શેરો લીલી ઝંડી સાથે ખૂલ્યા. હેવીવેઇટ શેરોની વાત કરીએ તો આમાં આઈઓસી, યસ બેન્ક, ઝી લિમિટેડ, ઇન્ફોસીસ, ટાટા મોટર્સ, ઇન્ડસઇન્ડ બેંક, હીરો મોટોકોર્પ, બજાજ ઓટો, બીપીસીએલ, મારુતિનો સમાવેશ થાય છે. તમે સેક્ટોરલ ઈન્ડેક્સ પર નજર નાખો તો સોમવારે ઓટો, આઇટી અને મીડિયા સિવાયના તમામ ક્ષેત્રો લીલા નિશાન પર ખુલ્યાં. આમાં મેટલ, પીએસયુ બેંક, એફએમસીજી, ફાર્મા અને રીયલ્ટી શામેલ છે.
પ્રી ઓપન સમયે શેર માર્કેટની સ્થિતિ
વહેલી સવારે 9:10 વાગ્યે શેર માર્કેટ લીલા નિશાન પર હતું. સેન્સેક્સ 128.82 પોઇન્ટ એટલે કે 0.32 ટકા વધીને 40,293.85 પર બંધ રહ્યો હતો. નિફ્ટી 38.30 પોઇન્ટ એટલે કે 0.32 ટકા વધ્યા પછી 11,928.90 પર હતો.
70.55નો થયો રૂપિયો
ડોલરની સામે આજે 26 પૈસાની શરૂઆત થયા બાદ રૂપિયો 70.55ની સપાટીએ ખુલ્યો છે. છેલ્લા કારોબારી દિવસે રૂપિયો ડોલર સામે 70.81ની સપાટીએ બંધ રહ્યો હતો.
શુક્રવારે સપાટ રહ્યું હતું શેરબજાર
શુક્રવારે શેરબજાર સપાટ સ્તરે ખુલ્યું હતું. સેન્સેક્સ 16.69 અંક એટલે કે 0.04 ટકા વધીને 40,145.74 પર ખુલ્યો હતો. તે જ સમયે, નિફ્ટી 5.45 પોઇન્ટ અથવા 0.05 ટકાના ઘટાડા પછી 11,872 ના સ્તર પર ખુલ્યો હતો. શુક્રવારે શેર માર્કેટ લીલા નિશાન પર બંધ રહ્યો હતો. સેન્સેક્સ 35.98 અંક એટલે કે 0.09 ટકા વધીને 40,165.03 ના સ્તરે બંધ રહ્યો હતો. તે જ સમયે, નિફ્ટી 22.05 અંક એટલે કે 0.19 ટકા વધીને 11,899.50 પર બંધ રહ્યો હતો.