ગાંધીનગર: આગામી લોકસભાની ચૂંટણી માટે ભાજપ દ્વારા તૈયારીઓ કરવામાં આવી રહી છે. ત્યારે સોમવારે ભાજપના પ્રદેશ હોદ્દાદારોની બેઠક યોજાશે. પ્રદેશ અધ્યક્ષ જીતુ વાઘાણીના અધ્યક્ષ સ્થાને બેઠક મળશે.
આ બેઠકમાં આગામી કાર્યક્રમો લોકસભાની ચૂંટણી અને સંગઠન બાબતે અંગે ચર્ચા થશે. આ બેઠકમાં પ્રદેશ હોદ્દેદારો જિલ્લા પ્રભારીઓ સહિતના આગેવાનો હાજર રહેશે.
ઉલ્લેખનીય છે કે લોકસભાની ચૂંટણીના પડઘમ વાગી રહ્યા છે અને નજીકના જ ભવિષ્યમાં ચૂંટણી આવનારી છે. ભાજપે અગાઉથી જ તૈયારીઓ આરંભી છે જેના ભાગરૂપે આજરોજ એક ખાસ બેઠકનું આયોજન ગાંધીનગર ખાતે કરવામાં આવેલ છે. આ બેઠકમાં 2019 માટેની પૂર્વ તૈયારીઓ અંગે ખાસ ચર્ચા કરવામાં આવશે.
ગુજરાતના ભાજપના પ્રદેશ અધ્યક્ષ જીતુ વાઘાણીના અધ્યક્ષ સ્થાને મળનારી આ બેઠકમાં પ્રદેશ હોદ્દેદારો જિલ્લા પ્રભારીઓ સહિતના આગેવાનોને ખાસ હાજર રહેવાની સુચના આપવામાં આવી છે. આ સાથે જ સોમવારે યોજાનાર આ બેઠકમાં આગામી લોકસભાની ચૂંટણી અંગે ખાસ રણનીતિ તૈયાર કરવામાં આવશે.