તમારા કામનું / આવતી કાલે લાલ કિલ્લા પરથી PM મોદી લૉન્ચ કરી શકે છે આ મોટી યોજના, જાણો શું છે આ

• પીએમ વધુ એક યુનિક આઈડેન્ટિટી નંબરની જાહેરાત કરી શકે છે
• આ યોજના હેઠળ 4 બાબતો પર ફોકસ કરવામાં આવશે
• આ માટે ગાઈડલાઈન તૈયાર કરવામાં આવી રહી છે

આ યોજના હેઠળ 4 બાબતો પર ફોકસ કરવામાં આવશે. સ્વાસ્થ્ય આઈડી કાર્ડ, પર્સનલ હેલ્થ રિકોર્ડ, ડિજી ડૉક્ટર અને હેલ્થ ફેસિલિટીનો રિકોર્ડ. પછીથી આ મિશનમાં ટેલી મેડિસિન અને ઈ ફાર્મેસીની સેવાઓને જોડવામાં આવશે. આ માટે ગાઈડલાઈન તૈયાર કરવામાં આવી રહી છે.

આમાં હેલ્થ આઈડી કાર્ડ ધારકોની પ્રાઈવેસીનું સંપૂર્ણ ધ્યાન રાખવામાં આવશે. આ સ્વૈચ્છિક પ્લેટફોર્મ છે.  આની સાથે જોડાવું ફરજિયાત નથી. એટલે કે કોઈ પણ વ્યક્તિ સાથે સ્વાસ્થ્ય સંબંધિત માહિતી તેની મરજીથી શેર કરવામાં આવશે. આ સાથે ડૉક્ટર તથા હોસ્પિટલની મરજીથી જ તેમની જાણકારી શેર કરવામાં આવશે.

આ હેલ્થ કાર્ડના બન્યા બાદ કોઈ ડૉક્ટરની પાસે સારવાર માટે જાય છે તો ડૉક્ટર તેની સહમતિથી તેની મેડિકલ હિસ્ટ્રી જોઈ શકે છે. જેથી એવી વ્યવસ્થા કરવામાં આવી છે કે કોઈ પણ વ્યક્તિનો ડેટા તેની સહમતિ વગર કોઈ બીજી વ્યક્તિ જોઈ ન શકે. એ માટે મોબાઈલમાં વન ટાઈમ પાસવર્ડ જેવી સુવિધા આપવામાં આવી છે. માની લો કે તમે કોઈ હેલ્થ ટેસ્ટ કરાવી રાખ્યો છે તેની ડિટેલ એક જગ્યાએ ઓનલાઈન અવેલેબલ હશે જેને તમે ડૉક્ટરને બતાવી શકશો.

 સ્કીમ સાથે જોડાયેલી જાણકારી નેશનલ હેલ્થ ઓથોરિટીના સીઈઓ ઈંદુ ભૂષણે એક મીડિયા હાઉસ સાથે શેર કરી છે. તેમણે એમ પણ કહ્યું હતું કે NDHM ને અમલમાં મુકવાથી હેલ્થની સેવાઓની ક્ષમતા, પારદર્શિતા વધશે. આ યોજના ભારત સંયુક્ત રાષ્ટ્ર વૈશ્વિક હેલ્થ કવરેજના લક્ષ્યને મેળવવામાં ઝડપી આગળ વધશે.

પ્રધાનમંત્રી મોદી 15 ઓગસ્ટે રાષ્ટ્રીય ડિજિટલ સ્વાસ્થ્ય મિશનની જાહેરાત કરવા જઈ રહ્યા છે. આ યોજના હેઠળ દરેક નાગરિકોના સ્વાસ્થ્યનો ડેટા એક પ્લેટફોર્મ પર હશે. આ ઉપરાંત હેલ્થ આઈડી કાર્ડ તૈયાર કરવામાં આવશે. આ ડેટામાં ડોક્ટરની ડિટેલ્સની સાથે દેશભરમાં સ્વાસ્થ્ય સેવાઓની જાણકારી ઉપલબ્ધ હશે. જેનાથી એક જ પ્લેટફોર્મ પર હેલ્થ સાથે જોડાયેલી તમામ જાણકારી ઉપબલ્ધ હશે.

ઉલ્લેખનીય છે કે દુનિયાની સૌથી મોટી હેસ્થ સ્કીમ આયુષ્માન ભારતને અમલમાં મુકનાર NHAએ આની એપ અને વેબસાઈટ તૈયાર કરી છે. આ યોજનાને હેલ્થકેર સેક્ટરમાં સૌથી મોટી ગણવામાં આવી રહી છે. હેલ્થ કાર્ડ યોજનાને દેશમાં તબક્કા વાર રીતે લાગુ કરાશે. જે માટે 470 કરોડ રુપિયાની મંજૂરી આપી દેવામાં આવશે.

યોજનાનું લક્ષ્ય શું છે

ડિજિટલ હેલ્થ સિસ્ટમ બનાવવી હેલ્થ ડેટા મેનેજ કરવા
હેલ્થ ડેટાના કલેક્શનની ક્વોલીટી અને તેના પ્રસારમાં વધારો કરવો
એક એવું પ્લેટફોર્મ તૈયાર કરવું જ્યાં હેલ્થ ડેટાને પરસ્પાર વાપરી શકાય
આખા દેશ માટે અપડેટેડ અને યોગ્ય હેલ્થ રજિસ્ટર તૈયાર કરવુ