દુ:ખદ / યુક્રેનનાં સ્વતંત્રતા દિવસે જ રશિયાએ કર્યો અટેક, રેલવે સ્ટેશન પર હુમલામાં 22 લોકોના મોત

• યુક્રેનમાં સ્વતંત્રતા દિવસે જ રેલવે સ્ટેશન પર રોકેટથી હુમલો 
• રાષ્ટ્રપતિ ઝેલેન્સકીએ અગાઉ જ હુમલાની આશંકા વ્યક્ત કરી હતી
• રશિયન હુમલામાં 22 લોકોના મોત અને 50 ઘાયલ થયા હતા

રશિયા અને યુક્રેન વચ્ચે છેલ્લા 6 મહિનાથી યુદ્ધ ચાલી રહ્યું છે. આ દરમ્યાન યુક્રેનના રાષ્ટ્રપતિ વોલોદિમિર ઝેલેન્સકીએ દાવો કર્યો હતો કે, સ્વતંત્રતા દિવસ પર બુધવારે યુક્રેનના રેલવે સ્ટેશન પર રશિયન હુમલામાં 22 લોકો માર્યા ગયા હતા અને 50 ઘાયલ થયા હતા. વોલોડીમિર ઝેલેન્સકી વીડિયો કોન્ફરન્સિંગ દ્વારા સંયુક્ત રાષ્ટ્ર સુરક્ષા પરિષદને સંબોધિત કરી રહ્યા હતા.

રાષ્ટ્રપતિએ હુમલાની આશંકા વ્યક્ત કરી હતી 

યુક્રેનના રાષ્ટ્રપતિ ઝેલેન્સકીએ મંગળવારે આશંકા વ્યક્ત કરી હતી કે, રશિયા સ્વતંત્રતા દિવસ પર કોઈ બર્બર કાર્યવાહી કરી શકે છે. પ્રમુખ ઝેલેન્સકીએ યુએન સિક્યુરિટી કાઉન્સિલને જણાવ્યું હતું કે, રશિયાના કબજા હેઠળના ડોનેટ્સકથી લગભગ 145 કિલોમીટર દૂર યુક્રેનના નાના શહેર ચેપ્લિનમાં એક રોકેટ ટ્રેન સાથે અથડાયું હતું. આ હુમલામાં ટ્રેનની ચાર ડબ્બામાં આગ લાગી હતી.

‼️Russian troops fired missiles at a railway station in the Dnepropetrovsk region. At least 15 people died.

About 50 more were injured. The missile hit passenger railroad car at Chapline station. This was stated by Volodymir Zelenskyy during a speech at the UN Security Council. pic.twitter.com/c4y3LvMnSW

— NEXTA (@nexta_tv) August 24, 2022

ઝેલેન્સકીએ દુ:ખ વ્યક્ત કર્યું 

યુક્રેનના રાષ્ટ્રપતિ ઝેલેન્સકીએ કહ્યું કે ચૅપ્લિન આજે પીડામાં છુ. ત્યાં 22 લોકોના મોત થયા હતા. "યુક્રેન રશિયાને તેના દ્વારા કરવામાં આવેલી દરેક બાબતોની જવાબદારી લેવાનું કહેશે," તેમણે કહ્યું. ઝેલેન્સકીએ કહ્યું, અમે આક્રમણકારોને અમારી જમીનમાંથી ભગાડી દઈશું. આપણા મુક્ત યુક્રેનમાં આ દુષ્ટતાનો કોઈ નિશાન રહેશે નહીં. જોકે રશિયન સંરક્ષણ મંત્રાલયે આ અંગે કોઈ ટિપ્પણી કરી નથી.

"UK Prime Minister Boris Johnson walks in central Kyiv along with President Volodymyr Zelensky today. Ukraine marks its 31st Independence Day and six months of Russia's all-out war on Aug 24," tweets The Kyiv Independent pic.twitter.com/mlPvePgLYV

— ANI (@ANI) August 24, 2022

24 ઓગસ્ટે યુક્રેનનો સ્વતંત્રતા દિવસ 

મહત્વનું છે કે, 24 ઓગસ્ટે યુક્રેનમાં સ્વતંત્રતા દિવસ હતો. પરંતુ આ દરમ્યાન કોઈ સમારોહ યોજાયો ન હતો. જોકે ઘણા યુક્રેનિયન નાગરિકોએ આ સમયગાળા દરમ્યાન રાષ્ટ્રીય ડ્રેસ તરીકે ખાસ શર્ટ પહેર્યા હતા. કેટલાય દિવસોથી યુક્રેનમાં ચેતવણી આપવામાં આવી રહી હતી કે, રશિયા સ્વતંત્રતા દિવસ પર મિસાઈલ ફાયર કરીને મોટા શહેરોને નિશાન બનાવી શકે છે. આ જોતા ખાર્કિવમાં મહિનાઓ સુધી સતત બોમ્બ ધડાકા બાદ કર્ફ્યુ લાદવામાં આવ્યો હતો. કિવમાં પણ સ્વતંત્રતા દિવસ પર ઓછામાં ઓછા 7 વખત હવાઈ હુમલાના સાયરન વગાડવામાં આવ્યા હતા જોકે કોઈ હુમલો થયો ન હતો.