ક્રિકેટ / 9 મહિના પછી ટીમમાં પરત ફરતા જ આ ખેલાડીએ બનાવ્યો મોટો રેકોર્ડ, ઝડપી બેટિંગ અને કિલર બોલિંગમાં છે માહેર

• પહેલી વનડેમાં આ ખેલાડીએ મોટો રેકોર્ડ બનાવ્યો 
• આંતરરાષ્ટ્રીય ક્રિકેટમાં જાડેજાની આ 300મી મેચ છે
• તેંડુલકરે ભારત માટે સૌથી વધુ 664 આંતરરાષ્ટ્રીય મેચ રમી છે

ભારતીય ટીમ હાલમાં ઓસ્ટ્રેલિયા સામે પહેલી ODI રમી રહી છે અને ટીમ ઈન્ડિયાના કેપ્ટન હાર્દિક પંડ્યાએ ટોસ જીતીને પહેલા બોલિંગ કરવાનો નિર્ણય કર્યો હતો. એવામાં એક સ્ટાર ખેલાડી 9 મહિના બાદ ભારતીય ટીમની પ્લેઈંગ ઈલેવનમાં પરત ફર્યો છે. જણાવી દઈએ કે આ ખેલાડી ઝડપી બેટિંગ અને કિલર બોલિંગમાં માહેર છે આ સાથે જ ઓસ્ટ્રેલિયા સામેની પહેલી વનડેમાં આ ખેલાડીએ એક મોટો રેકોર્ડ બનાવી લીધો છે. 

Two wickets fall in quick succession.

Mitchell Marsh and Marnus Labuschagne depart.

Live - https://t.co/8mvcwAvYkJ #INDvAUS @mastercardindia pic.twitter.com/ZV2H6WZnjh

— BCCI (@BCCI) March 17, 2023

આ ખેલાડીએ બનાવ્યો રેકોર્ડ
અમે ભારતના સ્ટાર ઓલરાઉન્ડર રવિન્દ્ર જાડેજાની વાત કરી રહ્યા છીએ જેની 9 મહિના બાદ ટીમ ઈન્ડિયાની પ્લેઈંગ ઈલેવનમાં વાપસી થઈ છે. જણાવી દઈએ કે જાડેજાએ તેની છેલ્લી મેચ 17 જુલાઈ 2022ના રોજ ઈંગ્લેન્ડ સામે રમી હતી અને હવે તેને ઓસ્ટ્રેલિયા સામેની પ્લેઈંગ ઈલેવનમાં તક મળી છે. નોંધનીય છે કે આંતરરાષ્ટ્રીય ક્રિકેટમાં જાડેજાની આ 300મી મેચ છે. સચિન તેંડુલકરે ભારત માટે સૌથી વધુ 664 આંતરરાષ્ટ્રીય મેચ રમી છે. 

આ દિગ્ગજોની ક્લબમાં જોડાયો જાડેજા 
રવિન્દ્ર જાડેજાએ ભારત માટે 300 મેચમાં 5562 રન બનાવ્યા છે જેમાં 3 સદી સામેલ છે. આ મેચોમાં જાડેજાનો શ્રેષ્ઠ સ્કોર 175 રન છે અને આ સાથે જ તેને 504 વિકેટ પણ લીધી છે. તે બોલિંગ, બેટિંગ અને ફિલ્ડિંગમાં ભારત માટે હિટ ખેલાડી છે. 

ભારત માટે સૌથી વધુ મેચ રમવાવાળા ખેલાડીઓ: 
સચિન તેંડુલકર - 664 મેચ
મહેન્દ્ર સિંહ ધોની - 535 મેચ
રાહુલ દ્રવિડ - 504 મેચ
વિરાટ કોહલી - 495 મેચ
રોહિત શર્મા - 438 મેચો
મોહમ્મદ અઝહરુદ્દીન- 433 મેચ
સૌરવ ગાંગુલી - 421 મેચ
અનિલ કુંબલે - 401 મેચ
યુવરાજ સિંહ - 399 મેચ
હરભજન સિંહ - 365 મેચ
વીરેન્દ્ર સહેવાગ - 363 મેચ
કપિલ દેવ- 356 મેચ
સુરેશ રૈના- 322 મેચ
ઝહીર ખાન- 303 મેચ
રવિન્દ્ર જાડેજા- 300 મેચ 

🚨 A look at #TeamIndia's Playing XI for the first #INDvAUS ODI 🔽

Follow the match ▶️ https://t.co/BAvv2E8K6h @mastercardindia pic.twitter.com/UkfoRmxi02

— BCCI (@BCCI) March 17, 2023

ઓસ્ટ્રેલિયા સામે ભારતની પ્લેઈંગ ઈલેવન: 
શુભમન ગિલ, ઈશાન કિશન, વિરાટ કોહલી, કેએલ રાહુલ, સૂર્યકુમાર યાદવ, હાર્દિક પંડ્યા, રવિન્દ્ર જાડેજા, શાર્દુલ ઠાકુર, કુલદીપ યાદવ, મોહમ્મદ શમી, મોહમ્મદ સિરાજ