આર્થિક મંદીના ભય વચ્ચે ઈન્ડીયન ઇન્સ્ટીટયુટ પદ ટેકનોલોજીના વિદ્યાર્થીઓ આ વર્ષે પણ ઉત્સાહપૂર્ણ વેતન મેળવવાની તૈયારીમાં છે. ભારતની 23 સૌથી વધુ પ્રતિષ્ઠિત IITમાંથી પાંચ ખડગપુર, બોમ્બે, મદ્રાસ, કાનપુર અને દિલ્હીના વિદ્યાર્થીઓને 1 કરોડ રૂપિયાના વાર્ષિક પેકેજની ઑફર કરવામાં આવી છે. IIT મદ્રાસમાં જ પાંચ વિદ્યાર્થીઓને આ ઑફર આપવામાં આવી.
ગયા વર્ષની સરખામણીએ આ વર્ષે પ્લેસમેન્ટનાં પ્રથમ દિવસનાં અંતે 15થી 20 ટકાનો વધારો પણ જોવા મળ્યો
અમેરિકાની મોટી કંપની માઈક્રોસોફ્ટે 1.18 કરોડ રૂપિયાના પેકેજની ઑફર કરી
સૌથી વધુ કેમ્પસ પ્લેસમેન્ટ IIT-Delhiમાં 419 વિદ્યાર્થીઓને મળ્યું
બધા જ IIT કેમ્પસમાં વિદ્યાર્થીઓને પ્રિ-પ્લેસમેન્ટ ઑફર આપવામાં આવી
IITનાં વિદ્યાર્થીઓને આ પ્રકારની ઑફર આપવામાં આવે એ કોઈ નવી વાત નથી. IITનાં વિદ્યાર્થીઓ પર દરવર્ષે આ જ પ્રકારે રૂપિયાનો વરસાદ થતો હોય છે. વિદ્યાર્થીઓને અલગ અલગ ચડિયાતી ઑફર કરવામાં આવે છે. આ વર્ષે પણ કંઈ જ પ્રકારની ઑફર કરવમાં આવી છે. પ્લેસમેન્ટ સીઝનમાં ખુબ સારી શરૂઆત થઇ છે જ્યાં બધા જ IIT કેમ્પસમાં વિદ્યાર્થીઓને પ્રિ-પ્લેસમેન્ટ ઑફર આપવામાં આવી છે. ગયા વર્ષની સરખામણીએ આ વર્ષે પ્લેસમેન્ટનાં પ્રથમ દિવસનાં અંતે 15થી 20 ટકાનો વધારો પણ જોવા મળ્યો.
B.Techનાં વિધાર્થીઓને 1.54 કરોડનાં વાર્ષિક પેકેજની ઑફર કરવામાં આવી
ખાસ કરીને વિદેશી કંપનીઓ દ્વારા ભારતમાં પગાર વધારો કરી ઑફર કરવામાં આવી રહી છે. IIT રૂરકીનાં કોમ્પ્યુટર સાઈન્સ, ઈલેક્ટ્રોનિક એન્ડ એન્જીનીયરીંગ અને ફીઝીક્સમાં B.Techનાં વિધાર્થીઓને 1.54 કરોડનાં વાર્ષિક પેકેજની ઑફર કરવામાં આવી. આ ઑફર અમેરિકાની મલ્ટી-નેશનલ કંપની દ્વારા આપવામાં આવી. નોંધનીય છે કે આ ઑફર આ ઇન્સ્ટીટયુટનાં વિદ્યાર્થીઓ માટે સૌથી વધુ છે.
Recruiter
IIT-Delhi
IIT-Kharagpur
IIT-Madras
IIT-Hyderabad
બોસ્ટન કન્સલ્ટિંગ ગ્રુપ
7
ગોલ્ડમેન સેક્સ
12
14
11
3
ઇન્ટેલ
27
માઈક્રોસોફ્ટ
30
24
20
17
ક્વોલ્કમ
16
9
અમેરિકાની મોટી કંપની માઈક્રોસોફ્ટે 1.18 કરોડ રૂપિયાના પેકેજની ઑફર કરી
મુંબઈ સ્થિત કેમ્પસમાં સેન-ફ્રાન્સિસ્કોની ઉબર કંપની અને એમ્સ્ટર્ડમની ટ્રેડીંગ કંપની ઓપ્ટીવર દ્વારા 1 કરોડનાં વાર્ષિક પેકેજની જોબ ઑફર કરવામાં આવી. અમેરિકાની મોટી કંપની માઈક્રોસોફ્ટે 1.18 કરોડ રૂપિયાના પેકેજની ઑફર કરી છે, આ જોબ વિદ્યાર્થીઓને આવતાં વર્ષે સ્નાતક થયાં બાદ મળશે. નોંધનીય છે કે હજુ આવતાં અઠવાડિયા સુધી કેમ્પસ પ્લેસમેન્ટ કરવામાં આવશે.
પહેલાં દિવસે ભારતની 18 કંપનીઓએ પ્લેસમેન્ટમાં ભાગ લીધો
ગયા વર્ષે પણ જે કંપનીએ સૌથી વધુ ભરતી કરી હતી તે માઈક્રોસોફ્ટ કંપનીએ આ વર્ષે પણ સૌથી વધુ જોબ ઑફર કરી છે. IIT-Delhiમાં માઈક્રોસોફ્ટે બે ઇન્ટરનેશનલ સહીત 30 વિદ્યાર્થીઓને જોબ આપી છે. સૌથી વધુ કેમ્પસ પ્લેસમેન્ટ IIT-Delhiમાં મળ્યું, અહીં 419 વિદ્યાર્થીઓને જોબ ઑફર આપવામાં આવી.
મુંબઈ અને ખડગપુરની IITમાં માઈક્રોસોફ્ટ સૌથી વધુ પગાર આપતી કંપની બની હતી. જ્યારે અમરિકાની કલાઉડ કોમ્પ્યુટિંગ કંપની સેલ્સફેર દ્વારા 1.8 કરોડ રૂપિયાનાં વાર્ષિક પેકેજની ઑફર કરવામાં આવી હતી. જો ભારતીય કંપનીઓની વાત કરીએ તો પહેલાં દિવસે 18 કંપનીઓએ પ્લેસમેન્ટમાં ભાગ લીધો હતો. ગૂગલ દ્વારા 32 લાખ અને ગોલ્ડમેન સેક્સ કંપની દ્વારા 31.5 લાખ રૂપિયાના જોબની ઑફર આપવામાં આવી હતી.