દિલ્હીના ચકચારી શ્રદ્ધા વોલ્કર હત્યાકાંડના આરોપી આફતાબ પૂનાવાલાનું એક ભયાનક સીસીટીવી ફૂટેજ સામે આવ્યું છે.
દિલ્હીની શ્રદ્ધા વોલ્કર હત્યાકાંડના આરોપીનું સીસીટીવી ફૂટેજ આવ્યું
બેગમાં શ્રદ્ધાના શરીરના ટુકડાના નિકાલ માટે નીકળ્યો કસાઈ આફતાબ
સૌથી પહેલા માથું, ધડ અને આંગળીઓનો કર્યો નિકાલ
દિલ્હીના મહરોલી વિસ્તારમાં લિવ ઈન પાર્ટનર શ્રદ્ધા વોલ્કરની ઘાતકી હત્યાના આરોપી આફતાબ આમીન પૂનાવાલાની કરતૂતનું એક સીસીટીવી ફૂટેજ સામે આવ્યું છે જે ખૂબ ડરામણું છે.
Shraddha murder: Police finds CCTV footage showing Aftab walking with a bag on Delhi street
બેગમાં શ્રદ્ધાના શરીરના અંગો લઈને નીકળ્યો આફતાબ
શ્રદ્ધા વોલ્કર હત્યાકાંડની તપાસ કરી રહેલી દિલ્હી પોલીસને 18 ઓક્ટોબરનું એક સીસીટીવી ફૂટેજ હાથ લાગ્યું છે. સીસીટીવી ફૂટેજમાં આફતાબ મોડી રાતે એક બેગ ખભા પર લટકાવીને બહાર જઈ રહેલો દેખાતો હતો. આફતાબ શ્રદ્ધાના શરીરના ટૂકડાઓનો નિકાલ કરવા માટે નીકળ્યો હોવાની પોલીસને પાકી શંકા છે.
આફતાબે સૌથી પહેલા ધડ, માથું અને આંગળીઓનો નિકાલ કર્યો
દિલ્હી પોલીસના સૂત્રોએ જણાવ્યુ કે આરોપી આફતાબે સૌથી પહેલા શ્રદ્ધાના શરીરના ધડ, માથું અને આંગળીઓનો નિકાલ કર્યો હતો.
પોલીસે આફતાબ અને શ્રદ્ધાના કપડાં જપ્ત કર્યા
દિલ્હી પોલીસે આફતાબના ઘરમાં હાજર તમામ કપડાં પર કબજો કરી લીધો છે. તેમાં મોટાભાગના કપડા આફતાબના છે. આ ઉપરાંત પોલીસને ત્યાંથી શ્રદ્ધાના કપડાં પણ મળી આવ્યા છે. બંનેના કપડાં ફોરેન્સિક તપાસ માટે મોકલવામાં આવશે, કારણ કે અત્યાર સુધી પોલીસને હત્યાના દિવસે તેણે પહેરેલા કપડાં અને શ્રદ્ધાએ પહેરેલા કપડાં મળ્યા નથી. પોલીસને લાગે છે કે ઘરમાંથી મળી આવેલા કપડાને ચોક્કસથી કેટલીક કડીઓ મળશે.
દિલ્હી પોલીસને શું મળ્યું?
દિલ્હી પોલીસને અત્યાર સુધીમાં શ્રદ્ધાના શરીરના 13 હાડકાં મળી આવ્યા છે. જો કે, પોલીસને હજુ સુધી શ્રદ્ધાનું માથું મળ્યું નથી કે તેનો મોબાઇલ ફોન પણ મળી આવ્યો નથી. લાશના જે ટુકડા કરવામાં આવ્યા હતા તે પણ હજુ સુધી મળ્યા નથી. પોલીસ અધિકારીઓએ જણાવ્યું હતું કે આફતાબે જે દુકાનમાંથી કથિત રીતે આ કરવત ખરીદી હતી તે દુકાનમાંથી દુકાનદાર હજી સુધી કશું કહી શક્યો નથી અને તેણે જ્યાંથી ફ્રિજ ખરીદ્યું હતું તે દુકાનના માલિકને પણ ચુકવણી વિશે યાદ નથી. પોલીસે આરોપીનો ફોન જપ્ત કર્યો છે. પોલીસ બમ્બલ એપનો પણ સંપર્ક કરે તેવી શક્યતા છે, જ્યાં આફતાબ અને શ્રદ્ધાની મુલાકાત થઇ હતી. પોલીસ અધિકારીએ જણાવ્યું હતું કે આરોપી આફતાબની પ્રોફાઇલ સ્કેન કરવામાં આવશે. તે અન્ય કઈ છોકરીઓ સાથે સંપર્કમાં હતો તે પણ જાણવાનો પ્રયાસ કરવામાં આવશે.
શું છે શ્રદ્ધા મર્ડર કેસ?
મુંબઇમાં રહેતા શેફ અને ફોટોગ્રાફર આફતાબ અમીન પૂનાવાલાએ દિલ્હીમાં પોતાની લિવ ઇન પાર્ટનર શ્રદ્ધા વોકરની હત્યા કરી નાખી હતી. તેણે 18 મેના રોજ તેનું ગળું દબાવીને હત્યા કરી હતી. ત્યારબાદ તેણે લાશના 35 ટુકડા કરી નાખ્યા, જેને તેણે દક્ષિણ દિલ્હીના મેહરૌલી વિસ્તારમાં પોતાના ભાડાના મકાનમાં લગભગ ત્રણ અઠવાડિયા સુધી 300 લિટર ફ્રિજમાં સ્ટોર કર્યા હતા અને પછી બહાર જઈને દિવસો સુધી તેને ફેંકી દીધા હતા.