મુંબઈમાં રાજ ઠાકરેની પાર્ટી મનસેના કાર્યકરોની વધુ એક વાર ગૂંડાગીરી સામે આવી છે. મુંબઈના કમાઠીપુરી વિસ્તારમાં મનસેના કાર્યકરો પાર્ટી એક મોટું બોર્ડ ઊભું કરવા માગતા હતા. આ માટે તેમણે પ્રકાશ દેવી નામની મહિલાની મંજૂરી વગર જ બારોબાર બોર્ડ લટકાવવા માટે એક વાંસનો થાંભલો રોપી દીધો હતો. મહિલાને આ વાતની જાણ થતા તેમણે કાર્યકરોને વાંસનો થાંભલો અહીંથી હટાવી લેવાનું જણાવ્યું હતું તેમ છતાં પણ કાર્યકરોએ આવું કર્યું નહોતું.
#WATCH | A video went viral showing a man hitting & pushing a woman in Kamathipura, Mumbai on Aug 28, allegedly over installing a bamboo stick (for an ad) in front of woman's shop without consent. A non-cognizable offence lodged at Nagpada PS:Mumbai Police
વીડિયો વાયરલ થતા લોકો ભડક્યા
મહિલા વારંવાર તેમને વાંસનો થાંભલો હટાવી લેવાનું કહ્યાં કરતી હતી આથી કાર્યકરો ગૂંડાગીરી પર ઉતરી આવ્યાં હતા અને એક કાર્યકરે મોટી ઉંમરની લાગતી મહિલાને થપ્પડ પર થપ્પડ મારીને નીચે પાડી દીધી હતી. મનસે કાર્યકર વારંવાર મહિલાને ધક્કા મારતો અને થપ્પડ મારતો જોવા મળ્યો હતો. આ ઘટના બની ત્યારે ત્યાં ઘણા રાહદારીઓ ત્યાં હાજર નહોતા પરંતુ કોઈએ પણ કાર્યકરને અટકાવ્યો હતો. આ ઘટનાનો વીડિયો વાયરલ થતા લોકો ભડક્યાં હતા.
Mumbai: Video of man hitting, pushing woman goes viral, case registered
મનસે કાર્યકરોએ મહિલાને ગાળો પણ ભાંડી
આટલેથી ન ધરાતા મનસેના કાર્યકરોએ હદ વટાવી હતી અને મહિલાને મા બેન સમાન ગાળો ભાંડી હતી. મનસેના કાર્યકરોની આવી ગૂંડાગીરીથી લોકો પણ હવે કંટાળ્યાં છે. આ કેસમાં પોલીસ ફરિયાદ દાખલ થઈ છે. મહિલાએ તેની દવાની દુકાન સામે કાર્યકરોને થાંભલો લગાવવા દેવાની ના પાડી હતી જોકે કાર્યકરો થાંભલો લગાવવાની જિદે અડગ રહ્યાં હતા આ દરમિયાન તેમણે દાદાગીરી પર ઉતરી આવ્યાં હતા.
મનસે કાર્યકરોની સામે કેસ દાખલ
મહિલાને ધક્કા મારીને પાડી નાખનાર મનસે કાર્યકરોની સામે પોલીસ કેસ દાખલ કરવામાં આવ્યો છે. પોલીસ આરોપીની ધરપકડ પણ કરશે.