અંકિત સિરસાએ એકદમ નજીકથી મૂસેવાલા પર કર્યાં હતા 6 રાઉન્ડ ફાયર
મૂસેવાલાની હત્યા બાદ હત્યારાઓએ કારમાં લહેરાવી ગન
કારમાં કરી હત્યાનો જશ્ન મનાવ્યો, વીડિયો આવ્યો સામે
ફેમસી પંજાબી સિંગર સિદ્ધૂ મૂસેવાલાની હત્યા બાદનો હત્યારાઓનો એક વીડિયો સામે આવ્યો છે. વાયરલ થઈ રહેલા વીડિયોમાં જોઈ શકાય છે કે મૂસેવાલાની હત્યા બાદ હત્યારાઓએ તેમના કૃત્યની ઉજવણી કરી હતી.
#WATCH | In a viral video, Sidhu Moose Wala's murder accused Ankit Sirsa, Priyavrat, Kapil, Sachin Bhivani, & Deepak brandished guns in a vehicle pic.twitter.com/SYBy8lgyRd
મૂસેવાલાની હત્યા બાદ હત્યારાઓએ કારમાં પિસ્તોલ લહેરાવી
પોલીસે સિદ્ધૂ મૂસેવાલાના પર એકદમ નજીકથી 6 ગોળીઓ મારનાર યુવાન શૂટર્સ અંકિત સિરસાની ધરપકડ કરી છે. અંકિત સિરસાના મોબાઈલની તપાસ કરતા પોલીસને એક વીડિયો હાથ લાગ્યો છે. વીડિયો જોઈને પોલીસ પણ ચોંકી ઉઠી હતી. મૂસેવાલાની હત્યા બાદ હત્યારાઓ કારમાં તેમના હથિયાર લહેરાવ્યાં હતા. એક કારમાં પાંચ આરોપીઓ હોવાનું વીડિયોમાં દેખાતું હતું. તેઓ તમામ હસી રહ્યાં હતા અને કેમેરાની સામે પિસ્તોલ લહેરાવવા લાગ્યા હતા. આ દરમિયાન બેકગ્રાઉન્ડમાં પંજાબી મ્યૂઝિકમાં વાગી રહ્યું હતું.
મૂસેવાલાના મુખ્ય હત્યારા અંકિત સિરસાની દિલ્હીમાંથી ધરપકડ
18 વર્ષીય યુવકની દિલ્હીના એક બસ ટર્મિનલ પરથી ગઈકાલે રાત્રે ધરપકડ કરવામાં આવી હતી. તે દોષિત ગેંગસ્ટર લોરેન્સ બિશ્નોઇની ગેંગનો સભ્ય છે, એમ પોલીસે જણાવ્યું હતું. પોલીસ દ્વારા તેને હત્યામાં "મુખ્ય શૂટર" તરીકે ગણાવાયો છે અને તેનું નામ અંકિત સિરસા હોવાનું પોલીસ તપાસમાં ખુલ્યું છે.
Sidhu Moose Wala murder: Delhi court allows Punjab Police to arrest 4 Lawrence Bishnoi gang members
અંકિત સિરસાએ એકદમ નજીક જઈને મૂસેવાલા પર ચલાવી હતી 6 ગોળીઓ
અંકિત સિરસા કથિત રીતે મૂસેવાલાની સૌથી નજીક ગયો હતો અને તેના પર છ ગોળીઓ ચલાવી હતી, એમ દિલ્હી પોલીસનાં સૂત્રોએ જણાવ્યું હતું. તેના સહયોગી સચિન વિરમણિની પણ ધરપકડ કરવામાં આવી છે. ઉલ્લેખનીય છે કે ભારતમાં અને વિદેશમાં પંજાબી સમુદાયોમાં લોકપ્રિય સંગીતકાર સિદ્ધુ મૂઝ વાલાની 29 મેના રોજ પંજાબમાં તેમની કારમાં ગોળી મારીને હત્યા કરવામાં આવી હતી. પોલીસના જણાવ્યા અનુસાર, મુખ્ય આરોપી ગેંગસ્ટર લોરેન્સ બિશ્નોઇએ આ હત્યામાં મુખ્ય સૂત્રધાર હોવાની કબૂલાત કરી છે. દિલ્હી પોલીસના સ્પેશિયલ સેલે ગુજરાતના કચ્છમાંથી ત્રણ શખ્સોની ધરપકડ કરી હતી અને ગયા મહિને હથિયારોનો જથ્થો જપ્ત કર્યો હતો. પોલીસે જણાવ્યું હતું કે, આરોપીઓ પાસેથી આઠ ગ્રેનેડ, 9 ઇલેક્ટ્રિક ડિટોનેટર, 3 પિસ્તોલ અને એક એસોલ્ટ રાઇફલ મળી આવી હતી. લોરેન્સ બિશ્નોઈના નજીકના સહયોગી કેનેડા સ્થિત ગેંગસ્ટર ગોલ્ડી બ્રારે એક ફેસબુક પોસ્ટમાં ગાયકની હત્યાનું આયોજન કરવાની જવાબદારી સ્વીકારી હતી.