યૂટિલિટી / LPG સિલિન્ડર જાતે ઘરે લાવો અને બચાવો રૂપિયા, જાણો નિયમ સાથે કમ્પલેન નંબર પણ

• LPG સિલિન્ડર જાતે લાવવાથી બચશે રૂપિયા
• આવો છે નિયમ સાથે કમ્પલેન નંબર 
• ડિલિવરી ચાર્જના રૂપિયા આપવાથી ગ્રાહકો બચી શકે છે

 
આજના સમયમાં મોટાભાગે લોકો પોતાના ઘરમા ગેસ સિલિન્ડરનો ઉપયોગ કરે છે. આ ગેસ સિલિન્ડર પર વધતા ભાવ સામાન્ય માણસના ખિસ્સા પર ભાર વધારે છે. એવામાં તમે ગેસ કનેક્શનની સાથે મળતા ફાયદાથી તમારા રૂપિયા બચાવી શકો છો. દેશમાં અનેક લોકો જાણકારીના અભાવે કનેક્શનની સાથે મળતા ફાયદાથી અજાણ છે. તો જાણો કઈ રીતે તમે તમારા કેટલા રૂપિયાની બચત કરી શકો છો અને સાથે તમને આ ફાયદો ન મળે તો ક્યાં ફરિયાદ કરી શકો છો. 
 

ગેસની ડિલિવરી પર બચાવો રૂપિયા

ગેસ કનેક્શન પર લાભ મેળવવા માટે તમારી પાસે કોઈ પણ ગેસ એજન્સીનું કનેક્શન હોવું જરૂરી છે. જો તમે ગેસના ખતમ થતાં નવા સિલિન્ડરનું બુકિંગ કરો છો તો તમે સિલિન્ડર સીધો ગોડાઉનછી લાવીને તેની પર વસૂલાતો ડિલિવરી ચાર્જને પરત મેળવી શકો છો. હાલમાં ગેસ એજન્સીઓ દરેક સિલિન્ડરની ડિલિવરી પર 19 રૂપિયા અને 50 પૈસાનો ચાર્જ વસૂલે છે. જો તમે જાતે સિલિન્ડર લાવો છો તો તમે આ રૂપિયાની બચત કરી શકો છો. 
 
અહીં કરી શકાય છે ફરિયાદ

ગોડાઉનછી સિલિન્ડર જાતે લાવવા માટે કોઈ પણ એજન્સી ગ્રાહકને ડિલિવરી માટે લેવાતા રૂપિયા પરત કરવા માટે બંધાયેલી છે. જો તમને તમારી એજન્સી રૂપિયા પરત આપવાની મનાઈ કરે છે તો તમે તેની ફરિયાદ કરી શકો છો. એજન્સી સંચાલકે રૂપિયા પરત ન કરવાની સ્થિતિમાં તમારે ટોલ ફ્રી નંબર  18002333555 પર ફરિયાદ કરવાની રહે છે. 
 

રેગ્યુલેટર પણ ફ્રીમાં બદલો

આ સાથે એ પણ જણાવી દઈએ કે જો તમારું રેગ્યુલેટર કોઈ પણ સ્થિતિમાં લીક થાય છે તો એજન્સી તેને ફ્રીમાં બદલી આપે છે. તેને માટે કોઈ પ્રકારનો ચાર્જ લેવાતો નથી. ફ્રીમાં રેગ્યુલેટરને બદલવા માટે સબ્સ્ક્રિપ્શન વાઉચર રેગ્યુલેટરના નંબરને ડાયલ કરવાનો રહે છે. આમ કરવાથી તમે રેગ્યુલેટરને ફ્રીમાં બદલાવી શકો છો.