IPLIN
 

બોલિવૂડ / સલમાન માટે ધર્મેન્દ્રને છે ખાસ લાગણી, આ મૂવી માટે એક પણ રૂપિયો ફી નહોતી લીધી

Team VTV 10:12 AM, 27 Dec 20
Follow us
On Birthday of Salman Khan know his life unknown facts

દબંગ સલમાન ખાન આજે પોતાનો 56મો બર્થડે સેલિબ્રેટ કરી રહ્યો છે. સલમાન ખાન બોલિવૂડમાં ટોચનું સ્થાન ધરાવે છે. સાથે જ તે નિર્માતા, ટેલિવિઝન પર્સનાલિટી અને સામાજિક કાર્યકર પણ છે. લોકો તેને પ્રેમથી સલ્લુ ભાઈ, ભાઈજાન વગેરે નામે બોલાવે છે. તેણે જીવનમાં ઘણી નાની-મોટી ફિલ્મોમાં કામ કર્યું અને ધીરે-ધીરે તેના ચાહતોની સંખ્યા વધતી ગઈ. તેણે ઈન્ડસ્ટ્રીમાં એક અલગ જ મુકામ હાંસલ કર્યું છે અને તે ફિલ્મ જગતનો સુપરસ્ટાર બની ગયો. ચાલો જાણીએ ભાઈજાનના જન્મદિવસ પર આ 10 ખાસ વાતો.

સલમાન ખાન હીરો નહીં પરંતુ ડિરેક્ટર બનવા માંગતો હતો, પરંતુ તેના શાનદાર વ્યક્તિત્વને કારણે લોકો તેને હીરો તરીકે સાઇન કરવા માંગતા હતા.

1989માં હીરો તરીકે સલમાનની પહેલી ફિલ્મ 'મૈંને પ્યાર કિયા' રિલીઝ થઈ. તે સમયે પાઈરેસીને કારણે ફિલ્મ ઉદ્યોગની હાલત ખૂબ જ ખરાબ હતી. સલમાનની આ ફિલ્મના પ્રિન્ટની કિંમત બચાવવા બહુ ઓછી પ્રિંટ્સ અને પ્રચાર સાથે રિલીઝ કરવામાં આવી. પાછળથી ભારે સફળતાને કારણે  ફિલ્મના પ્રિન્ટની સંખ્યામાં વધારો કરવામાં આવ્યો.

ફિલ્મોમાં આવતા પહેલાં સલમાન ખાનનો સંબંધ સંગીતા બિજલાની સાથે હતો. એ સમયે સંગીતા સલમાન કરતા મોટી સ્ટાર હતી. બંને એક જાહેરાતમાં સાથે જોવા મળ્યા હતા.

સલમાન ધર્મેન્દ્રનો મોટો ફેન છે અને આજે પણ ધરમ પાજી સલમાન ખાનના ફેવરિટ હીરો છે. તેને સિલ્વેસ્ટર સ્ટેલોન પણ તેને પસંદ છે. સલમાને ધર્મેન્દ્ર સાથે પ્યાર કિયા તો ડરના ક્યા ફિલ્મમાં કામ કર્યું છે. એવું કહેવામાં આવે છે કે આ ફિલ્મમાં કામ કરવાના બદલામાં ધર્મેન્દ્રએ કોઈ પૈસા લીધા ન હતા. ધર્મેન્દ્ર કહે છે કે સલમાન તેને તેના જવાનીના દિવસોની યાદ અપાવે છે. તેઓ સલમાન જેવા જ છે. દિલના સાફ અને બ્લંટ. 

સલમાન દિલફેંક વ્યક્તિ રહ્યો છે. સંગીતા બિજલાની સાથે તેનો લાંબા સમય સુધી અફેર ચાલ્યો. એ પછી તે સોમી અલીની નજીક આવ્યો અને ત્યારે એવું લાગ્યું કે બંને લગ્ન કરી લેશે પરંતુ પછી તેમનું બ્રેકઅપ થઈ ગયું. સોમી બાદ સલમાનના જીવનમાં ઐશ્વર્યા આવી અને સલમાન એશને ખૂબ જ પ્રેમ કરતો હતો. 

તમને જણાવી દઈએ કે, ફિલ્મ ચલતે ચલતેમાં શાહરૂખની સાથે ઐશ્વર્યા શૂટિંગ કરી રહી હતી અને સેટ પર સલમાન પહોંચી ગયો અને શાહરૂખ અને ઐશ્વર્યાને જેમ તેમ બોલવા લાગ્યો. શાહરૂખે સલમાનનો સાથ આપતા ઐશ્વર્યાને ફિલ્મથી બહાર કરી દીધી અને રાની મુખર્જીને લઈ લીધી. 

ઐશ્વર્યાથી અલગ થયા બાદ સલમાનનું નામ કેટરીના કૈફ સાથે જોડાયું. કેટરીનાનું કરિયર બનાવવામાં સલમાને ખાસ ભૂમિકા ભજવી છે અને સપોર્ટ કર્યો છે. 

સલમાનથી અલગ થયા બાદ ઐશ્વર્યા વિવેક ઓબેરોયની નજીક આવી. ત્યારબાદ વિવેકે સલમાન અને તેના ભાઈઓ સાથે પંગો લઈ લીધો. એ પછી વિવેકે સલમાનથી માફી માંફી પરંતુ સલમાને તેને નોટંકી જણાવતા આજ સુધી માફ ન કર્યો.

સલમાનને કોઈ એવોર્ડ પર વિશ્વાસ નથી. તેના માટે જનતાનો પ્રેમ જ સૌથી મોટો એવોર્ડ છે. 

ચિલ્લર પાર્ટી ફિલ્મ જોયા પછી સલમાન એટલો પ્રભાવિત થયો કે તે તરત જ તે ફિલ્મનો નિર્માતા બની ગયો.

Birthday Salman khan Unknown Facts
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ